Títol : Jornada occitana de ligason collègi-licèu Peirigòrd-Lemosin 2019
Quan : divés 11 d'octobre 2019
On :
Perigüers (24)
Organizator : Ofici Public de la Lenga Occitana, Conselh Departamentau de Dordonha e l’Agéncia culturau Dordonha-Peirigòrd
Prestatari : CIRDOC-Institut occitan de Cultura
Tà'n saber mei

 

Ua navèra Jornada occitana de ligason collègi-licèu Peirigòrd-Lemosin qu’ei organizada lo divés 11 d’octobre 2019 a Perigüers (24). A l’iniciativa de l’Ofici public de la lenga occitana, en partenariat dab lo Conselh Departamentau de Dordonha e l’Agéncia culturau Dordonha-Peirigòrd, aquera manifestacion qu’a tà tòca la consolidacion de l’aprentissatge de l’occitan per delà lo collègi, çò qui permet d’ahortir la continuitat pedagogica au licèu, de promòver la transmission e l’usatge de loccitan.
La mestria d’òbra qu’ei assegurada peu CIRDÒC-Institut occitan de Cultura. « De la collècta occitana a la creacion contemporanèa » que serà lo tèma d’aquera edicion qui cèrca a har descobrir l’occitan per un apròchi actuau.
Las classas que seràn repartidas en quate trajectòrias :
- « Lo collectatge “en-cantat” per la practica instrumentau » (Musica e practica instrumentau)
- « De l’oralitat deu conte a la benda dessenhada deu quotidian » (Arts visuaus e conte)
- « Collectatges en scèna, a la descobèrta d’un patrimòni orau cantat » (Canta)
- « Lectura deu casau medievau au par de la poesia deus trobadors » (Descobèrta d’ “ Hortus, casau trobador ” e sensibilizacion a la botanica)

En mei deus talhèrs, los escolans qu’assistiràn a l’espectacle « Je ne parle pas occitan en public » per la Companhia Lilo. Aqueth espectacle que presenta ua vertadèra reflexion sus l’apartenéncia culturau e la recèrca d’identitat. La mustra « L’occitan, qu’es aquò ? », prepausada per l’ÒPLO e qui presenta la cultura occitana dens los sons diferents aspèctes, que serà disponibla tot dia en accès libre. Un bal dab Gilles de Becdelièvre qu’ei tanben previst deu temps de la pausa de mieidia.

Tà'n saber mei