Katy Bernard, professor d'occitan a l'universitat de Bordèu Montaigne e especialista deus trobadors, que presentarà la vita e l'eretatge d'Alienor d'Aquitània (1122-1204), ad arron reina de França puish d'Anglatèrra, a partir deu son obratge Les Mots d'Aliénor (edicions Confluences 2015).

Tà compréner de plan la pragèra e l'arrajada d'ua de las figuras mei importantas de l'Istòria de França, Katy Bernard que portarà d'eslutz suu linhatge, los espós, los enfants, los contemporanèus (reis, reinas, emperaires, trobadors, escrivans, religiós...) e los descendents d'aquera reina qui marquè lo son temps, un sègle XIIau qui estó , per mei d'un títol, la purmèra Renaissença de l'Euròpa de l'Edat Mejana.

Aquera conferéncia que serà acompanhada de lecturas de tèxtes per Matthieu Boisset : escriuts d'Aliénor d'Aquitània e de sos contemporanèus.