Especialista de l'acordeon diatonic, qu'avè per referéncias, au demiei deus ancians, Léa Saint-Pé de Polastron, dens Gèrs, e Ernest Lurde de Castèthnau de Manhoac. Patric qu'avè pres a la purmèra la libertat melodica e armonica de la man dreta, a l'aute la soa cadéncia in·hernau, marca de fabrica deus musicians gascons. Quauquas incursions de cap a la musica irlandesa e, mei que mei, lo trikitixa basco tà la virtuositat que'u permetón de bastir lo son estile pròpi, hèit de « gasconitud », de modernitat e d'universalitat.

Patric qu'avè succedit a Marc Perrone, un deus sons rars modèles, en Perlinpinpin Fòlc, grop far de Gasconha per las « annadas 70 » dab lo quau corrè França e ua grana part d'Euròpa pendent quasi 16 ans.

Titular deu DE de musica tradicionau, que deishè la soa Gasconha nadau en 2004 tà ensenhar a Saint-Malo, en Bretanha.

Patric Cadeillan que defuntè en la nueit deu dimèrcs 9 de deceme a La Montjòia, dens Òut e Garona. Que dèisha ua discografia abondosa tà testimoniar de la soa generosa e discreta virtuositat.

Jacques Baudoin