Jean-Claude Coudouy, grana cara de Bearn, que se n’ei anat au matin, au cap d’ua longa malaudia.

Lo bochèr-charcutièr de Laruntz, contaire-cançonèr d’Aussau e deu mond, autor deu tan famós Hilh de puta ; coautor de la Plenta deu pastor e Ò mon país e de tandas autas cançons ; creator deu grop Los de Laruntz e president deu Hestau de Siròs, qu’aurà beròi marcat deu son umor e de la soa tendressa lo mond de la canta e deu conte bearnés, gascon, occitan d’aqueras cinquanta darrèras annadas.

A la soa hemna, aus sons dròlles, que disem las nostas condolenças mei sincèras.

La soa òbra e lo son esperit universaus que ns’acompanharàn tà hèra.