Títol : Prumèr Seminari annau en etnomusicologia de la França
Lo : 11 e 12 de noveme 2015
Lòc : Aglomeracion Pau-Pyrénées (64)
Adreça : Castèth d'Este, Vilhèras
Organizator : InÒc Aquitània

 

 

En l'encastre de las soas missions d'Etnopòle, dab lo CIRIEF e en aliança dab lo CESMD, l'InÒc Aquitània que met en plaça un « Seminari annau » dedicat a l'etnomusicologia de la França. Dab la creacion d'aqueth encontre, la Direccion generau deus patrimònis - Direccion de la recèrca e de la politica scientifica deu Ministèri de la Cultura e de la Comunicacion qu'a volut sostiéner e valorizar la recèrca sus las musicas e danças tradicionaus deu maine francés e favorizar l'encontre professionau e la formacion.

L'idèa qu'ei de favorizar l'encontre de cercaires institucionaus e de portaires de las expressions musicaus e coregraficas ditas tradicionaus, qui son engatjats en la reflexion sus la lor practica e la soa transmission.

Aqueth seminari qu'ei pensat com un espaci d'escota, d'informacion, d'aprentissatge, cada participant qu'apren de l'aute ; com un espaci qui favoriza la distanciacion a las practicas contemporanèas, aus procèssus de transmission, de construccion deu maine.

Lo seminari qu'ei obèrt au public, mes que's cau inscríver au près de Cette adresse e-mail est protégée contre les robots spammeurs. Vous devez activer le JavaScript pour la visualiser..

Teledescargar la plaqueta de presentacion
Teledescargar lo programa deu seminari