Títol : Los Pifres de Garona
Lo : 23 au 26 de junh 2016
Lòc : Sent Pèir d’Aurelhac (33)
Organizator : Associacion Sous-fifres de Sent Pèir
Tà'n saber mei

 

 

 

Qu’ei en aqueth vilatje, a 60 km au sud de Bordèu, qui lo Hestau deus Pifres de Garona ei vadut, en 1991, de l’enveja d’aplegar los jogadors de pifre e tambor deu parçan, e de har ua grana hèsta…

Las ripataulèras, orquèstras de pifres, tambor e caisha grana, que manquèn de desparéisher sus la mieitat deu sègle XXau ; totasvetz, dens las annadas 1970 que beneficièn de l’arreviscolada de las musicas tradicionaus e de la volontat d’ancians musicians de passar las lors coneishenças a ua generacion navèra. Los talhèrs de pifres de Sent Pèir d’Aurelhac que tribalhèn especiaument en favor d’aquera arreviscolada qui’s concretiza tanben per la creacion d’aqueth hestau, dont la vocacion ei de hicar en valor la musica de la ripataulèra e de confrontar aquera expression a d’autas musicas dab arraditz tradicionaus.

Ofici de torisme de Sent Pèir, tel : 05 56 63 32 14