Títol : Deus usagtes deu patrimòni culturau immateriau : dètz ans après l’entrada en aplicacion de la Convencion deu PCI de l’UNÈSCO
Quan : deu 19 au 22 de mai 2016
On : Universitat Laval (Québec / Canadà)
Adreça : Pavillon La Laurentienne – Université Laval, Sainte-Foy-Sillery-Cap-Rouge, QC G1V, Canada
Organizator : Associacion canadiana d’etnologia e de folclòre ; Societat canadiana tà las tradicions musicaus
Tà'n saber mei

 

L’etnopòle InÒc Aquitània que participarà au Congrès annau de l’Associacion canadiana d’etnologia e de folclòre e de la Societat canadiana tà las tradicions musicaus deu 19 au 22 de mai dedicat aus « usatges deu patrimòni culturau immateriau : dètz ans après l’entrada en aplicacion de la Convencion deu PCI de l’UNÈSCO ».
Aqueste decenni dedicat au PCI qu’a conegut en parallèle un sarròt d’evolucions tecnologicas dens lo domeni numeric. Atau, après estar estat invitat en 2007 tà presentar Sondaqui.com – lo site deu PCI occitan en Aquitània – Jean-Jacques Casteret, a l’escadença d’aqueth collòqui internacionau, que presentarà lo projècte « PCI Lab » tà la valorizacion publica de l’Inventari francés deu PCI, realizat per l’InÒc Aquitània tà la Direccion generau deus patrimònis deu Ministèri de la Cultura e de la Comunicacion, e mei que mei las perspectivas navèras de descripcion deu PCI qui auhereish lo web semantic.