S’installatz aquera aplicacion, quan piquetz quauquarren suu telefonet, que prepausarà tres mots qui pensarà que voletz escríber. Que podetz utilizar aquera foncionalitat tà picar mei viste o corregir l’ortografia. SwiftKey, per exemple, que pòt hornir automaticament los accents.

Que podetz causir tres lengas qui seràn tostemps reconegudas, enter las quaus e son l’occitan (en la soa varianta lengadociana), lo breton e lo basco. De mei, lo clavèr qu’apren la faiçon qui avetz de parlar e que’vs prepausarà batlèu los noms de personas e de lòc qui utilizatz sovent, las frasas qui escrivetz regularament…

Que podetz teledescargar SwiftKey sus la botiga Google Play.