L’Universitat occitana d’estiu de Nimes que hestejarà augan la soa quarantau annada e la soa tematica que serà « D’un temps a un autre ». Que prepausarà conferéncias, concèrts, passejadas, bals, literatura, teatre, ua exposicion…

Lo programa complet de l’UOE de Nimes (30).

L’Universitat occitana d’estiu de La Guépia que’s harà deu 10 au 15 de julhet. Que s’i preved cors de lenga, conferéncias, talhèrs (traduccion, literatura, dança), cinèma, concèrts, bals, estagi de cant…

Lo programa de l’UEO de La Guépia (82).

Los Rescòntres occitans en Provença que’s debanaràn deu 26 de julhet au 2 d’agost a Sent Pèire d’Argençon (05). Que vs’i espèran talhèrs (lenga, la lenga entau teatre, cultura e civilizacion, patrimòni, lenga e vita vitanta, cant, acordeon, dança, cosina, la lenga entau conte, escriut e oralitat, toponimia, « boutis »), debats, filmes, espectacles, bals…

Tà mei d’informacions : Cette adresse e-mail est protégée contre les robots spammeurs. Vous devez activer le JavaScript pour la visualiser. / 04 88 19 53 96 / 06 84 73 67 65

Tà fenir, l’Escòla occitana d’estiu que’s harà deu 14 au 20 d’agost a Vilanuèva d’Òut (47). Que prepausarà cors de lenga, talhèrs, conferéncias, contes, teatre, bals, ua passejada…

Tà’n saber mei