Lo TEI qu’ei un soslengatge deu XML (Extensible Markup Language) qui permet, gràcias a balisas, d’indicar la natura de cada element d’un tèxte (mot, frasa, morfèma…). Qu’ei concebut entà har los tèxtes legibles per las maquinas, en especiau dens los domenis de la lingüistica e de las sciéncias umanas e sociaus. Un tèxte analisable per las maquinas que pòt estar modificat adaise, trociquejat e/o transformat en vistas d’estar utilizat per un utís informatic.

Se voletz compréner miélher lo format TEI çò qui ei, saber perqué ei estat causit peu Congrès e descobrir las possibilitats de desvolopament qui auhereish, que trobaratz sus la vidèo ací devath las explicacions d’Aura Séguier, webmèstra e desvolopadora TAL entau Congrès.

Que trobaratz mei d’explics atau com documents suu site deu Congrès.