Jan-Jacques Casteret e Mélanie larché que i presentèn lo site Internet PciLab tà la valorizacion de l’Inventari francés deu PCI, qui es a bastí’s.

Com cada an, los actors de l’Inventari francés deu patrimòni culturau immateriau (PCI) de França que s’i encontrèn pendent jornadas d’estudis tà presentar los inventaris e las accions de valorizacion en cors.

Augan, Jan-Jacques Casteret e Mélanie larché que i presentèn lo site PciLab qui ei a bastí’s en Mestresa d’Obratge deu Ministèri de la cultura e de la comunicacion (DPRPS). PCciLab qu’utiliza las darrèras tecnologias de web semantic e qu’ei l’utís de valorizacion de l’Inventari francés deu PCI. La soa mesa en linha qu’ei prevista tà la fin de l’annada 2016.

Patricia Heiniger-Castéret que presentè tanben lo tribalh en cors miat en Aquitània peu laboratòri ITEM de l’Universitat de Pau e deus País de l’Ador, l’InÒc Aquitània e lo Servici Regional d’Inventari de Novèla Aquitània, tribalh qui’s hè sus la confrontacion deus patrimònis.

Que podetz dejà (tornar) descobrir l’inventari deu PCI sus Wikipèdia.