Si voletz obtiéner un nivèu A1-A2 (començadors e consolidacion) en lenga occitana e abordar la soa cultura e la soa civilizacion, que poderatz assistir a cors deu ser a l’universitat. Que podetz tanben participar a cors a distància entà preparar lo Certificat en occitan taus nivèus B1 o B2.

Los estudiants de la licéncia « Cultura umanista e scientifica » que pòden tanben seguir ua UE de lenga occitana. Qu’ei mutualizada dab los cors deu ser e a distància : en L1, los estudiants qu’assisteishen aus cors deu ser. En L2 e en L3, que segueishen los cors a distància.

Enfin, au sen deu Master Recèrca en Estudis Literaris (REEL), que podetz assistir a un seminari sus l’occitan medievau (M1, 24 h au segond semèstre) e a un cors suus usatges non-literaris de l’occitan medievau (M1, 12 h cada semèstre). Enfin, los estudiants qu’an la possibilitat de realizar lo lor memòri de Master sus un subjècte ligat a la literatura occitana medievau o modèrna.

Tà’n saber mei