« Nascut en Lemosin, Bernat de Ventadorn qu’ei “lo trobador mei liric deu sègle XIIau e l’un deus mei grans poètas de l’amor de tots los temps”. Atau que’u defineish Moshe Lazar, autor de la darrèra edicion completa de las Cansos d’amor. La soa òbra qu’ei de gran endom e que la coneishem per quaranta quate poèmas conservats, principaument cansos, enter las quaus dètz e ueit an la musica de notada.

Bernat de Ventadorn, deviengut l’imatge-tipe deu trobador amorós, qu’ei un virtuós shens paria per çò qui ei de la cracion deus motius qui hargaràn, per delà la lirica medievau, l’art poetic occidentau. Mes uei lo dia, la soa celebritat qu’a quauquarren d’ua ficcion literària dens la mesura qui l’occitan ancian n’ei pas de bon accedir entaus lectors. Qu’ei tot l’interès de’us hicar a disposicion un abracat substanciau de l’òbra de Bernat, dab las arreviradas e los comentaris utiles. »

Luc de Goustine

Tà’n saber mei