Que i trobaratz ua presentacion de l'Institut e de las soas missions, atau coms los servicis prepausats e las realizacions de projèctes dejà miats per la nosta equipa professionau.
Las ressorsas que seràn completadas d'ua faiçon regulara, mentre qui l'actualitat de la lenga e de la cultura occitana e continuarà d'estar tractada tot dia suu noste site e suus nostes hialats sociaus - sus Facebook e Twitter, mes tanben sus YouTube e Viméo.
Que poderatz accedir adaise a l'ensemble deus utís numerics concebuts per l'InÒc Aquitània e metuts a la vòsta disposicion tà descobrir lo patrimòni viu de la Region Navèra Aquitània despuish Sondaqui.com, o enqüèra ua exposicion virtuau suu patrimòni culturau immateriau en Aquitània, los trobadors d'Aquitània, e lèu un module numeric, DaquíDòc, entaus ensenhaires, tà sensibilizar lo public joen a la lenga e la cultura occitana.