Mascaret que torna entà la soa ueitau edicion en Gironda. Lo hestau que vòu tornar har valer la lenga e a la cultura occitana en Gironda. Entad ac har, un trentenat d'eveniments que's haràn dens divèrsas vilas deu departament.

Un dia gascon qu'ei organizat a Senta Coloma, dens las Lanas, lo dissabte 28 de seteme.

Qu'ei la rentrada deu CFPÒC Navèra Aquitània ! A comptar deu 23 de seteme, los cors d'occitan que reprenen tota setmana. Un sarròt de cors que son perpausats en Bearn, Baish Ador, Lanas mes tanben dens lo Gèrs.

Lo celèbre hestau de Siròs que torna entà ua 53au edicion de 27 au 29 de seteme.

La quatau edicion deu hestau Voca'Folies que's harà deu 27 au 29 de seteme a Aira. Tres dias de musica, de concèrts, d'animacions e de repèishs.

Lo Còr de Gasconha que's harà deu 26 au 29 de seteme a Eusa (32). Que's hestejarà la poma a l'escadença de la hera dab la vienuda de productors locaus.

Dens l’encastre de las Jornadas Europèas deu Patrimòni, los Archius Departamentaus deus Pirenèus Atlantics, en partenariat dab lo CIRDÒC-Institut occitan de cultura e Carnaval Pantalonada, que prepausan un eveniment hestiu a l’entorn deus hons patrimoniaus e de la cultura bearnesa.

L’Ostau Occitan / IÈO Gironda que prepausa un encontre bimensuau sus la cultura e la lenga occitana a Bordèu.

Dens l'encastre de las Jornadas deu Patrimòni, que s’i harà haut o baish 678 animacions au departament deus Pirenèus Atlantics. Ad aquera escadença, que's celebrarà la 6au edicion de « Si l'Adour m'était conté... » lo 21 de seteme au pòrt d'Urt.

Dens l’encastre de la programacion Seteme en Bearn, la Hèsta deus Aulhèrs que’s harà deu 19 au 22 de seteme a Aràmits (64).

N'ei pas enqüèra l'òra de sarrar lo carrat jaune. Hestiv'òc que tornarà lo 15 de seteme a Pau. A l’escadença de la 71au Hera de Pau, lo hestau de las culturas deu sud qu'organiza quauques eveniments dab las colors deu Bearn e de l'Occitania.

La Hèsta de la Sau qu'ei vaduda un eveniment de non pas mancar en Bearn au mes de seteme. Augan, que hesteja lo son 40au anniversari.