Que voletz utilizar DaquíDòc, la platafòrma numerica deu CIRDOC-Institut occitan de cultura dedicada aus projèctes d’Educacion Artistica e Culturau, e ne sabetz pas quin vs’i gahar ?
La DAAC e lo CIRDOC-Institut occitan de cultura que vienen de har paréisher duas vidèos tutoriaus, dedicadas a l’inscripcion a un projècte EAC e a l’utilizacion de la platafòrma.

Las festivitats de la Sent Joan d’Estiu que’s haràn a l’entorn de dimenge 23 de junh 2019, dens divèrsas comunas de Gasconha e de l’entorn.

Lo movement Calandreta que hesteja los sons 40 ans augan. Ad aquera escadença, e dens l'encastre de la sason culturau de prefiguracion de la Ciutat, ua hèsta que’s harà au Hedàs a Pau (64) dissabte 15 de junh 2019.

Cantem tots, la vrespada a l'entorn de la canta polifonica, que's harà a Usòs (64) dissabte 15 de junh.

Pyrénées Breizh, lo hestau a la crotzada de las culturas occitana e bretona, que’s harà deu 14 au 16 de junh a Banhèras de Luishon.

Dens l’encastre deu programa de recèrca FEDER TCV-PYR, las universitats de Pau e deus País de l’Ador, Tolosa Joan Jaurés e Perpinhan Via Domitia qu’organizan lo collòqui « Termalisme e patrimònis dens las zònas de montanha en Euròpa deu sègle XVIIIau au sègle XXIau », qui’s harà a Pau (64) e Aigas Bonas (64) deu 13 au 15 de junh.

Los Zinzonaires qu’organizan los Encontres Chabretaires, qui’s haràn deu 8 au 10 de junh a Bordelha (24).

Lo Campestral de 2019 que’s harà los 8 e 9 de junh a Sent Laurenç (47). Que s’i prepausarà bals, ua rondalejada, un espectacle, un talhèr de dança e d’autas animacions.

Per la tresau annada escolara consecutiva, la Delegacion Academica a las Arts e a la Cultura (DAAC) de l’Academia de Bordèu en partenariat dab l’Etnopòle CIRDÒC-Institut occitan de cultura que renovèlan lo lor partenariat d’Educacion Artistica et Culturau a l’entorn deus patrimònis occitans.
Las inscripcions que son ubèrtas dinc au 17 de junh.

Augan, l’edicion deu hestau « Les Nuits Atypiques » que’s harà deu 1èr de junh au 21 de julhet 2019 dens tot lo Sud de la Gironda. Au programa, que s’i preved concèrts, estagis, bals, projeccions, encontres-debats, contes, lecturas...

Bidache Culture que hè paréisher lo son darrèr obratge, Au fil de la Bidouze – Contes Charnegous (en dus tòmes). Aqueth recuelh de contes trilingüe gascon, francés e basco qu’ei un tribalh collectiu enter autors e pintres.

Deu 5 au 8 de junh 2019, lo hestau occitan Balad'Òc a Tula (19) que prepausarà projeccions, concèrts, vesitas guidadas, iniciacions a las danças, passejadas…