La sason de las hèstas qu'ei au mei haut, plaça a las Hèstas d'Ortès. Deu 26 au 29 de julhet, la vila bearnesa que serà animada per musicas d'arrua, bandas, animacions taus mainatges, corsa landesa e corrida.

Avesac qu'arcuelherà peu 21au còp lo hestau Rencon'Trad deu 26 au 28 de julhet. Que serà l'eveniment de non pas mancar entaus ahuecats de dança.

La tresau edicion de Festiv'CornemuseS, hestau organizat per l'associacion sostonesa Qu'èm d'ací, que’s harà deu 23 au 28 de julhet a Soston (40).

Las hèstas de Baiona que’s haràn deu 24 au 28 de julhet de 2019 dens la vila sancèra. 

Letras d'Òc que serà present au hestau Festen'òc de Saurat (09) dimenge 14 de julhet. En mei deu taulèr, la maison d'edicion que perpausarà ua conferéncia suus condes d'Andriu Lagarda.

Navèth numèro de l'emission « Escrivans » dab l'autor Roland Pécout sus Òctele.

A la rentrada de seteme, lo CFPÒc qu'obrirà peu prumèr còp cors d'occitan gascon a Bidaishe (64). Ua bèra iniciativa de l'associacion Ligam gascon deu Baish Ador (LBA).

L'associacion Philosphères qu'organiza la 4au edicion Des mots dans les arbres deu 10 au 12 de julhet suu tèma « L'éloge des langues » a Bordèu (33).

Las inscripcions au Diplòma Universitari d'Occitan que son obèrtas a l'Universitat Bordèu Montanha. La facultat que perpausa cinc mes de formacion en lenga e cultura occitana tau monde qui volhan perfeccionà's dens los sectors de la cultura, deu patrimòni e de l'espectacle viu.

L'Universitat Occitana d'Estiu (UOE) que's debana despuish dissabte passat dinc a doman a Nimes (30). Lo CIRDOC-Institut Occitan de Cultura qu'ei partenari de l'eveniment.

Lo hestau Les Suds que's harà deu 8 au 14 de julhet a Arle (13). Au programa : concèrts, estagis, encontres e debats a l'entorn de las culturas deu monde.

Com tot an, que's celebrarà la Junta de Roncal au pòrt de la Pèira Sent Martin lo 13 de julhet. La ceremonia que's hè en preséncia d'eslejuts de las vaths de Varetons e de Roncal.