L’Ostau Comengés que presenta la setzau edicion de Passa-Pòrts/Viva Tramontana, lo hestau occitan de Montrejau. Que s’i preved ua taula redona, concèrts, bals, estagis, un sarròt d’animacions.

L’Estagi Parlar qui vien, dia d’immersion en occitan gascon prepausat peu CFPÒC, que’s harà a Pau lo 6 d’abriu 2019.

Lo hestau de la Quinzena Occitana en Òut e Garona, dont la tòca ei de promòver la cultura e la lenga occitana, augan que’s harà deu 30 de març au 14 d’abriu.

Augan, lo Carnaval occitan de Brantòsme que's harà dissabte 30 de març 2019.

La Calandreta Aussalesa que hestejarà los sons vint ans, a Laruntz (64), dissabte 30 de març.

Los Archius Departamentaus de la Dordonha qu’organizan ua jornada d’encontres consacrada a la collècta, la conservacion e la valorizacion deu patrimòni culturau immateriau occitan de la Dordonha, dens l’encastre de la mustra Jean Roller e en partenariat dab l’Etnopòle occitan CIRDÒC-Institut Occitan de Cultura, l’associacion Novelum e lo Conselh Departamentau de la Dordonha.

Lo Conservatòri Pau Bearn Pirenèus qu’organiza lo hestau Bal en Vila, dab un sarròt d’accions de previstas a Pau, Vilhèra e Juranson (64) los 22 e 23 de març : conferéncia-performància, passacarrèra musicau, espectacle, estagi, grans bals… Ça-vietz tots !

Lo COMDT que prepausa un estagi de musica de crampa tradicionau animat per Silvan Roux, qui’s harà a Tolosa (31) deu 23 au 24 de març.

L’AIDO que prepausa ua formacion sus la coneishença deus patrimònis culturaus en relacion dab la cultura e la lenga occitana. Que’s harà ad Òussa (64), deu 21 au 23 de març 2019.

Lo CDMDT63 e l’AMTA qu’organizan lo hestau Traces de Danses 2019, qui’s harà deu 18 au 23 de març a Clarmont-Ferrand (63).

Maria-Anna Châteaureynaud (ESPE d’Aquitània, Universitat de Bordèu) e Katy Bernard (Universitat Bordèu Montanha) qu’organizan la jornada d'estudis « Ensenhar, promòver e difusar l'occitan » qui's harà a Bordèu (33) dimèrcs 13 de març.

Lo COMDT que prepausa un estagi de danças d’Auvèrnha especiaument entaus començaires. Que’s harà dimenge 17 de març a Tolosa (31).