Per la tresau annada escolara consecutiva, la Delegacion Academica a las Arts e a la Cultura (DAAC) de l’Academia de Bordèu en partenariat dab l’Etnopòle CIRDÒC-Institut occitan de cultura que renovèlan lo lor partenariat d’Educacion Artistica et Culturau a l’entorn deus patrimònis occitans.
Las inscripcions que son ubèrtas dinc au 17 de junh.

Augan, l’edicion deu hestau « Les Nuits Atypiques » que’s harà deu 1èr de junh au 21 de julhet 2019 dens tot lo Sud de la Gironda. Au programa, que s’i preved concèrts, estagis, bals, projeccions, encontres-debats, contes, lecturas...

Bidache Culture que hè paréisher lo son darrèr obratge, Au fil de la Bidouze – Contes Charnegous (en dus tòmes). Aqueth recuelh de contes trilingüe gascon, francés e basco qu’ei un tribalh collectiu enter autors e pintres.

Deu 5 au 8 de junh 2019, lo hestau occitan Balad'Òc a Tula (19) que prepausarà projeccions, concèrts, vesitas guidadas, iniciacions a las danças, passejadas…

Tarba en canta, lo hestau internacionau de polifonias, augan que hestejarà los dètz ans e que's harà deu 4 au 9 de junh a Tarba (65).

La 21au edicion deu hestau Trad'Envie de Pavia (32) que's harà de dimèrcs 29 de mai a dissabte 1èr de junh.

Lo 24au Liurament deus prèmis deus Calams Bearnés, concors literari organizat per La Civada e l’Ostau Bearnés, que’s harà dimèrcs 29 de mai 2019.

Au programa : Tarba en Canta, Campestral, Balad'Òc, Trad'Envie, Paratge, Huec de la Sent Jan, Total Festum...

L’Ostau Bearnés qu’arcuelherà, deu 13 au 24 de mai, ua mustra sus la tematica de l’ostau tradicionau en Bearn realizada peu País d’Art e d’Istòria deu Bearn deus Gaves.

L’AIDO que prepausa ua formacion sus la coneishença deus ambients naturaus e deus ecosistèmas en relacion dab la cultura e la lenga occitana. Que’s harà ad Òussa (64), deu 13 au 15 de junh 2019.

Comanditadas per l'Ofici public de la lenga occitana, las Jornadas Occitanas que son accions de sensibilizacion a l'occitan au près deus liceans de la Region Navèra Aquitània.

Dens aqueth encastre, animacions pedagogicas que son organizadas per l’EPCC CIRDOC-Institut occitan de cultura, la professora d’occitan e la professora documentalista au licèu Arnaut Danièl de Rabairac (24), los 13 e 14 de mai 2019.

L’edicion 2019 de la jornada Escambilingüe, organizada per Òc-Bi Aquitània, qu’ei prevista tà dissabte 18 de mai 2019 a Sabres (40).