Lo Lecteur du Val qu'avia l'edicion de 2016 deu son concors de novèlas. Qu'avetz dinc au 12 de heurèr tà enviar las vòstas produccions en francés o en occitan. 

Après Lo Capuleton roi e Lo Rei de las Agraulas, Letras d'Òc que publica un navèth libe illustrat en quadricromia dedicat aus mainatges : L'Ostau deus lops

Per Noste que publica lo recuelh de poesias d'Amadèu Baris Flors de Gasconha. La màger part d’aqueths poèmas que pertòca la natura, au país gascon, los sons poblants e las soas costumas. 

L'InÒc Aquitània que convida actors de la lenga e de la cultura occitana de Bearn e de Gasconha tà ua taula redona, dissabte lo 21 de noveme, aus encontres literaris de Pau. Que serà entitolada « Descobrir l'occitan : libes taus mainatges ? ».

Lo setmanèr occitan La Setmana que hè un aperet a s'abonar per poder contunhar a publicar los sons jornaus papèr e numeric. 

Las edicions Letras d’òc / Camins qu’an publicat au mes d’octobre lexics gascons inedits de F. Marsan e J. Soulé-Venture. 

Las Rapatonadas, la hèsta deu conte e de l'oralitat, que's haràn dens comunas deu Cantal deu 7 dinc au 15 de noveme. Augan, qu'auràn per tèma « Viatges... » e la cultura convidada qu'ei la de Senegal. 

Ara, deu cantaire Rodín, qu'ei ua òbra poetica e experimentau en occitan. L'artista qu'a enregistrat cinc deus sons poèmas entà'us perpausar a musicians qui n'an hèit çò qui volèvan.

Letras d'Òc que publica un recuelh de dotze novèlas ineditas de Joan Peire Lacomba : Daus vistons dins la nuech

L'InÒc Aquitània que serà aus encontres literaris de Pau « Les idées mènent le monde », qui's haràn deu 20 dinc au 22 de noveme au Palais Beaumont. Au son taulèr, que poderatz encontrar Sèrgi Javaloyès, tà la signatura deu son darrèr obratge Au nom de la lenga e trobar los libes de Katy Bernard Les Mots d’Aliénor e André Dupuy, Michel Camélat, le maître d’Arrens.

Per Noste que publica Tan Petit de Laurie Cohen e Marjorie Béal, un libe taus dròlles de mensh de 36 mes. 

La Novem que perpausa aqueth doble CD de polifonias deu Bearn, enregistrat en public dens las glèisas de Laujuson, Montestruc e l'Espitau d'Orion.