Stéphane Levacher qu'a realizat un filme bilingüe sus l'aiga dens las Lanas dab la votz d'Isabèu Lobèra e la musica de Jacques Edouard. 

La Societat de las Sciéncias Letras e Arts de Pau e deu Bearn e las edicions Marrimpouey que tornan publicar Nadau, Nadau ! de Jean-Baptiste Laborde, recuelh de cantas de Nadau bearnesas e gasconas, editat peu purmèr còp en 1914. 

Tau debut d'annada de 2016, l'ACPA qu'avia au Passatge d'Agen talhèrs d'iniciacion a las danças tradicionaus, a duas setmanas passadas, deu dijaus 14 de genèr dinc a la hèsta deu Campestral. 

« Aulhèrs de totas las contradas, ça-vietz audir nostes dolors… » Que se n’ei anat lo noste amic Jean-Claude Coudouy. Los aulhèrs e los autes, tots los a qui agrada la cantèra e l’umor gascon que ploran.

Antòni o la resisténcia, de V. Goby e R. Badel, qu'ei un roman en occitan gascon, en occitan lengadocian o en occitan lemosin taus joens de 9 a 13 ans. 

L'Ostau Comengés e l'ADECC qu'an realizat ua maleta pedagogica entitolada « Conda'm eth Coserans ». Que la presentaràn dijaus lo 17 de deceme a 17 h 30 a la ciutat escolara deu Coserans de Sent Guironç. 

Era Pastorala de Nadau, gavidada per Jan de Nadau, que torna augan. Un centenat de musicians e coristas que vos diseràn dab cançons de Nadau e en musica eth conde dera nativitat. 

Lo Departament deu Gèrs qu'organiza lo son concors de produccions gasconas 2015/2016 suu tèma : « Musica(s) ». Que podetz enviar los vòstes relats, poèmas, BD, dessenhs argumentatius, descriptius o documents audiovisuaus abans lo purmèr d'abriu de 2016. 

Hubert Dutech que publica aqueth recuelh bilingüe compausat de novèlas, de scenetas e de cançons. La soa tòca qu'ei la valorizacion de la lenga e la sensibilizacion deus non locutors. 

PassAires que sòrt lo son navèth album : Las Hemnas. Aqueth CD de musica a dançar que mescla cançons tradicionaus e composicions.

La 12au Jornada deu Patrimòni Culturau Immateriau, organizada per la Maison de las Culturas deu Monde a París lo 25 de noveme, qu'avè com tematica l'etnoscenologia.

Patric Cadeillan que sòrt de defuntar. Qu'èra un deus musicians gascons de la purmèra òra, un deus qui an arrenavit la musica tradicionau gascona au començar deu « fòlc » per las annadas 1970-80.