Un navèth grop de musica que s'ei creat per las Lanas. Dià qu'ei compausat deu cantaire Didier Tousis, deu guitarrista Max Desbieys e deu maquinista Florian Larriveau. 

Aqueste estiu qu'estó rodat per las Lanas un filme en occitan que sortirà abans la fin de l'annada. Qu'ei « Joantiròt » deu fotografe deu Mont, Jacques Baris. 

ECLA-Aquitània que lança las inscripcions tà la residéncia « editor aquitan – autor estrangèr ». Aquesta que permet d'arcuélher un autor estrangèr publicat per un editor aquitan pendent dus mes.

Deu 12 dinc au 15 de seteme qui arriban, qu'ei a Salias de Biarn que's harà la Hèsta de la Sau, entà la 33au annada ad arron.

Las hèstas de Baiona de 2013 que s'avièn lo dimèrcs 24 de julhet. Ad aqueth parat, mei de 40 000 festaires que vedón e qu’entenón a Natasha St-Pier a declamar lo prosei en occitan.

L'associacion Conta'm, lo Cap'òc e lo Conselh generau deus Pirenèus Atlantics qu’invitan los mainatges au cinèma.

"Paratge pro", los encontres tà empensar a las politicas publicas a favor de las lengas regionaus, que's hasón augan a Bordelha, en Dordonha, los 30 e 31 de mai.

Lo CIRDÒC, la mediatèca occitana de Besièrs, qu’a hestejat la musica tot lo long deu mes de junh. Que perpausava talhèrs taus escolars, bals, conferéncias...

Aqueste estiu, dens lo departament de Lanas, que i aurà un sarròt d’espectacles de chancaires e de manifestacions tradicionaus. En vistas de’us recensar, la Federacion deus grops folclorics landés qu’a hicat en plaça un calendèr Google Maps. 

Non demora pas sonque quauques dias tà s'inscríver en seccion musica tradicionau au conservatòri de Pau, tà l'annada 2013-2014.

L’ECLA Aquitània que hè ua crida a candidaturas tà ua residéncia d’escritura en Gironda.
Que duraré sheis setmanas enter lo 26 d’aost e lo 3 de noveme. Que’s haré au Chalet Mauriac de Sent Sefrian.