Un navèth recuelh d'arreproèrs gascons e bearnés qu'ei sortit dens la colleccion Camins de las edicions Letras d'Òc : De Nadau a Sent Porquin, arreporèrs e dísers de Bearn e Gasconha, de J.-B. Laborde.

La vila de La Canau (33) qu’organiza « L’Occitània en 5 sens » deu 23 de heurèr au 3 de març. Que s’i preved concèrts, mustras, encontres, talhèrs…

La Nueit deus congòs que’s debanarà dissabte 23 de heurèr a Senta Baselha (Òut e Garòna).

L’associacion Passa Camin qu’a produsit un navèth disc de cantas de Nadau, dab lo lor talhèr de cant Votz de Galerna, en fin d’annada 2018.

Lo laboratòri ITEM (EA 3002) de l’Universitat de Pau e deus País de l’Ador e l’Etnopòle Occitan – InÒc Aquitània qu’organizan ua setmana de formacion suu Patrimòni Culturau Immateriau en territòri de montanha, deu 18 au 22 de heurèr 2019 a Vièla (Vath d’Aussau), en collaboracion dab lo Departament deu Pilotatge de la Recèrca e de la Politica Scientifica deu Ministèri de la Cultura e lo Parc Nacionau deus Pirenèus.
L’inscripcion obligatòria qu’ei ubèrta dinc au dimèrcs 13 de heurèr.

Lo Carnaval de Geronce, lo mei ancian de Bearn, que's harà deu 16 au 23 de heurèr 2019.

Lo Carnaval de la Vath Vielha que's harà de divés 15 a dissabte 16 de heurèr 2019 a Nai (64).

L’Ostau Comengés que hè paréisher Prats e pastencs, un caishon qui contien tres DVD’s documentaris sortits aqueras annadas passadas e dedicats a la heada e au pastoralisme en Varossa, Comengés e Coserans.

Per arrestat prefectorau, M. Étienne Guyot, prefècte de la region Occitània, que vien d’actar la creacion de l’establiment public de cooperacion culturau deu « Centre international de recherche et documentation occitanes - Institut Occitan de Cultura », qui prenerà d’ací quauques setmanas la seguida de l’InÒc Aquitània e deu CIRDÒC a l’entorn de missions alargadas e d’ambicions navèras entau desvolopament de la cultura occitana.

La mustra de las òbras deus estudiants de l’Escòla superiora d’art deus Pirenèus qui participèn a la realizacion deu visuau de l’aficha Bona Annada 2019, d’ara enlà qu’ei disponibla en linha, e que’s pòt enqüèra véder a la Mediatèca d’Este, a Vilhèra, dinc a la fin deu mes de heurèr.

L’associacion Transmetem qu’a organizat lo tornar de Sent Pançard dens la vila d’Auloron (64), tà dissabte 9 de heurèr.

Lo CFPÒC qu’organiza un navèth estagi de practica orau suu tèma de Carnaval, a l’escadença deu Carnaval Biarnés.