InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • Lo CFPCI e lo Ministèri de la Cultura e de la Comunicacion qu'organizan taus 16 e 17 de junh un estagi intitolat « Lo Patrimòni Culturau Immateriau en França : generalitats, actualitats e accions dens las regions ». 

  • L'InÒc Aquitània que participa au seminari internacionau « PCI e numeric : transmission, participacion, enjòcs » qui's hè a Vitré los 8 e 9 de seteme.

  • Lo hestau Occitània que's harà deu 18 de seteme au 4 de noveme a Tolosa e au son parçan. Que s’i organizarà mei de 80 eveniments dens un vintenat de comunas de la Garona Hauta, de Tarn e d'Arièja. 

  • Augan, l'associacion Menestrèrs Gascons que prepausarà dus cicles de formacion sus las danças tradicionaus. Que s'adreça aus formators o aus dançaires e musicians confirmats entà'us perméter d'apregondir las lors coneishenças e aquesir utís de retransmission. 

  • Pixel oc qu'organiza deu 23 au 25 d'octobre a Montrenc ua formacion intitolada « Usatge de la lenga occitana dens la practica audiovisuau ». 

  • La comuna d'Aush, dens lo Gèrs, qu'arcuelherà augan peu prumèr còp un hestau occitan. De Còr e d'Aush que's harà deu 25 au 27 de seteme.

  • Los 17 e 18 d'octobre, Naïk Raviart e Sylvain Masseillou que prepausaràn au COMDT de Tolosa un estagi entitolat : « Lo branlo d'Aussau : a la juntada de l'etnografia e de l'istòria ». 

  • L'Etnopòle InÒc Aquitània e la DGP deu Ministèri de la Cultura qu'organizan a Vilhèras los 11 e 12 de noveme au Castèth d'Este (Vilhèras, aglomeracion Pau-Pyrénées), lo 1èr Seminari annau en etnomusicologia de la França entitolat « Espiars crotzats suus procèssus de transmission de las musicas tradicionaus en França ».

  • Er’associacion Aigaberdenc que prepausa un estagi de formacion de contaires en occitan e/o bilingüe occitan-francés de cap a contaires començants. 

  • L'etnopòle Garae qu'organiza los 4 e 5 de noveme a la Maison de las memòrias de Carcassona, dens Auda, jornadas d'estudi internacionaus entitoladas : « Deu folclòre dinc a l'etnologia : un ahar de hemnas ? ». 

  • La Coordinacion per la lenga occitana qu'apèra a ua mobilizacion ciutadana tà ua grana manifestacion sociau e reivindicativa tà l'occitan lo dissabte 24 d'octobre a duas òras deu vrèspe a Montpelhièr. 

  • L'InÒc Aquitània que serà aus encontres literaris de Pau « Les idées mènent le monde », qui's haràn deu 20 dinc au 22 de noveme au Palais Beaumont. Au son taulèr, que poderatz encontrar Sèrgi Javaloyès, tà la signatura deu son darrèr obratge Au nom de la lenga e trobar los libes de Katy Bernard Les Mots d’Aliénor e André Dupuy, Michel Camélat, le maître d’Arrens.

  • Las Rapatonadas, la hèsta deu conte e de l'oralitat, que's haràn dens comunas deu Cantal deu 7 dinc au 15 de noveme. Augan, qu'auràn per tèma « Viatges... » e la cultura convidada qu'ei la de Senegal. 

  • L'InÒc Aquitània que convida actors de la lenga e de la cultura occitana de Bearn e de Gasconha tà ua taula redona, dissabte lo 21 de noveme, aus encontres literaris de Pau. Que serà entitolada « Descobrir l'occitan : libes taus mainatges ? ».

  • Lo grop Flor Enversa qu'organiza deu 9 au 12 de deceme a Montpelhièr, dens Erau, ua setmana arron los trobadors. 

  • Era Pastorala de Nadau, gavidada per Jan de Nadau, que torna augan. Un centenat de musicians e coristas que vos diseràn dab cançons de Nadau e en musica eth conde dera nativitat. 

  • L'Ostau Comengés e l'ADECC qu'an realizat ua maleta pedagogica entitolada « Conda'm eth Coserans ». Que la presentaràn dijaus lo 17 de deceme a 17 h 30 a la ciutat escolara deu Coserans de Sent Guironç. 

  • Tau debut d'annada de 2016, l'ACPA qu'avia au Passatge d'Agen talhèrs d'iniciacion a las danças tradicionaus, a duas setmanas passadas, deu dijaus 14 de genèr dinc a la hèsta deu Campestral. 

  • Stéphane Levacher qu'a realizat un filme bilingüe sus l'aiga dens las Lanas dab la votz d'Isabèu Lobèra e la musica de Jacques Edouard. 

  • Divés lo 22 de genèr, a partir de 18 h, Katy Bernard e Matthieu Boissent que haràn ua lectura-conferéncia sus Alienor d'Aquitània a la Mediatèca intercommunau André Labarrère de Pau.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185