InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • L'Associacion Internacionau d'Estudis Occitans qu'organizarà lo son XIIau congrès a Albi deu 10 au 15 de julhet 2017 dab com tematica « Fidelitats e dissidéncias ». 

  • Lo collòqui « Espiars crotzats suus procès de transmission de las musicas tradicionaus de la francofonia » que's harà los 2 e 3 de mai 2016 a l'Ostau de las sciéncias de l'òme e de la societat a Peitius.

  • Los dijaus 12 de mai, 19 de mai e 26 de mai, rendez-ve au Molière – Scène d’Aquitaine, a Bordèu, tà descobrir tres creacions d’André Minvielle. 

  • Deu 17 au 23 de julhet 2016, lo centre Oxygers a Àrreu (65) que prepausa ua demorança culturau, lingüistic e esportiu entaus mainatges de 8 a 14 ans a l'entorn de la lenga e de la cultura occitana. 

  • La 18au edicion deu hestau Trad'Envie de Pavia (32) que's harà deu dimèrcs 4 au dissabte 7 de mai.

  • Non manquetz pas la Ringueta – hèsta deus jòcs tradicionaus – de Sarlat e la Canedat en Dordonha tà la dimenjada de Pentacosta.

  • De Sondaqui.com au programa web semantic « PCI Lab » tà la valorizacion de l’Inventari francés deu PCI, l’etnopòle InÒc Aquitània que presentarà a Québec los mòdes e las perspectivas de descripcion numerica deu PCI dens l’encastre deu Congrès internacionau « Usatges deu Patrimòni culturau immateriau : dètz ans après l’entrada en aplicacion de la Convencion deu PCI de l’UNÈSCO ».

  • Los Comelodians de Saut que tornan tà l’estiu de 2016 dab Lo Còp de pè de l’aso, ua pèça de teatre en occitan gascon e en francés inspirada de Monsieur de Pourceaugnac de Molière.

  • Dimenge lo 15 de mai 2016, 300 cantaires que correràn las carrèras de Sent Macari.

  • Lo Campestral que hestejarà augan lo son quarantau cap d’an au Passatge d’Agen los 14 e 15 de mai.

  • Dissabte lo 28 de mai, lo larèr rurau qu’organiza un estagi de danças (rondas, branles, cadenas) a Sent Maurin (47), qui serà seguit lo ser per un bal a Puegmiròl (47).

  • A l’escadença deu son sheisau hestau, qui’s harà deu 27 au 29 de mai 2016 en Vath d’Aspa, l’associacion « les Phonies Bergères » que celèbra lo movement… la vita.

  • Deu 1èr dinc au 4 de junh qui vienen, ça-vietz descobrir un navèth hestau occitan : Balad'òc Tula que prepausa projeccions de cinèma e de documentaris, mustras, conferéncias e concèrts, en divèrs lòcs de Tula e de la soa aglomeracion.

  • Lo hestau internacionau de polifonias « Tarba en Canta » que’s harà deu 1èr au 5 de junh 2016 dens las comunas de Tarba, Ibòs e Semeac. Concèrts, cantèras, cants tà dançar, estagis polifonics a gratis qu’animaràn aquera sheisau edicion.

  • Au parat de la sòuda, los aulhèrs-neuridors d’Ardiòs Ishèra e l’Ecomusèu que vs’invitan a partatjar un dia d’animacions au torn d’un milierat d’aulhas, de vacas, de chivaus e de crabas dissabte lo 4 de junh 2016.

  • Dissabte lo 11 de junh, l’Associacion tà la cultura populara de Lanas qu’organiza un estagi de dança e un bal a Caishen.

  • Aqueth navèth dia de hèsta deu Conte qu'arregaudirà enqüera un sarròt de monde : preparacion contada d'abusacaishaus hèits a casa, concèrt deu Quatuor LauBen, dromida contada, scèna ubèrta aus contes e a la musica que son au programa, dens l'agradiu decòr deu vilatge de La Comanda. E en finau, Catherine Caillaud en espectacle a la Comanderia. 

  • Las finalas deu campionat de França de quilhas de nau 2016 que’s haràn dissabte lo 11 de junh a las arenas de Pomarés (Lanas).

  • La dusau edicion de l’Escapada Gascona que’s harà a Peçac, en Gironda, dissabte lo 18 de junh.

  • Com tot an, augan ne mancaràn pas de har lo huec de Sent Jan a Lescar. Que l’organizaràn lo ser deu 23 de junh l’associacion Esquireta.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185