InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • Augan, l’amontanhatge deus tropèths de vacas, aulhas, chivaus, etc. de cap taus peisheders d’estiu – las estivas – de la Vath d’Aussau que’s harà los 7, 8 e 9 de julhet 2016.

  • Lo hestenau DANCEM que torna partir tà ua dusau edicion. Que’s harà los 8 e 9 de julhet 2016 a Bèthlòc.

  • Tot dijaus, deu 7 de julhet 2016 dinc au 25 d’agost 2016, visitatz la cabana de l’aulhèr e partatjatz lo sopar animat per cantadors locaus.

  • Cantèra, conte bilingüe, concèrts de reggae, jazz manosh, pòp… Tots aqueths estilles musicaus, que’us poderatz viéner escotar au hestau d’Òc Si Gausas deu 21 au 24 de julhet 2016 a Ortès.

  • A l’escadença de la hèsta deu hromatge, dimenge lo 24 de julhet 2016, que poderatz descobrir los mestiers e sabers-hars ligats au hromatge : lo mestier d’aulhèr, lo tóner de las aulhas, la fabricacion e la tasta deu hromatge, etc. Musicas e danças tradicionaus qu’animaràn tanben la hèsta.

  • Com tot an, ne manquetz pas las hèstas de Nosta Dama de Laruntz lo 15 d'agost 2016, mustra de las tradicions musicaus e coregraficas de la Vath d'Aussau.

  • Concèrts, espectacles de carrèra, danças, teatre, cinèma, polifonias, public joen… que n’i aurà enqüèra entà tots los gosts dab aquesta navèra edicion de Hestiv’Òc !

  • Com cada prumèr dissabte de seteme despuish 1993, participatz au 24au campionat deu monde de garbura dissabte lo 3 de seteme 2016 a Auloron.

  • Dimenge lo 4 de seteme, profieitatz d’animacions a fanègas suu tèma de la cultura gascona au parc Gascoin e a las arenas d’Ortès.

  • La 37au edicion de la Hèsta de la sau qu’aurà per tematica « La Hèsta de la Sau au grat deus arrius » e que’s harà a Salias deu 8 au 11 de seteme 2016.

  • Tà la soa 10au e darrèra edicion, la Hèsta de la husta que’s harà deu divés 9 au dimenge 11 de seteme 2016 a Luc de Bearn.

  • La Hèsta deus Aulhèrs d’Aràmits que’s harà deu 15 au 18 de seteme 2016. Que mescla encontres professionaus e culturaus au torn deu mestièr d’aulhèr e deu cant.

  • Hem-nse trobaders a Monenh dissabte lo 17 e dimenge lo 18 de seteme 2016 tà descobrir La Cançon de Maria Bartete per la Pastorala de Monenh.

  • Lo Med’Òc de Pau que torna organizar lo son hestau Planvengut. La dusau edicion que’s harà dijaus lo 22 e divés lo 23 de seteme 2016.

  • Augan, lo hestau de Siròs que feneish 50 ans. Miei sègle de hestaus au torn de la lenga e la cultura bearnesa. Hètz-vse trobaders de divés lo 23 a dimenge lo 25 de seteme a l’escadença d’aquera edicion especiau.

  • La Setmana qu’organiza, dab l’ajuda de la FIMÒC, ua serada de sostien tau jornau. Lo jornau qu’a besonh la vòsta ajuda tà existir !

  • Ça-vietz hestejar lo tornar de las estivas divés lo 30 de seteme e dissabte lo prumèr d’octobre a Auloron.

  • Letras d’Òc e l’associacion AIDO qu’organizan a Bedós (64) deu 1èr au 3 de deceme ua formacion a la traduccion.

  • Anatz descobrir los gosts e los perhums deus hromatges d’Aussau los prumèr e dus d’octobre a la hera deu hromatge de Laruntz.

  • Augan, lo Maraton de la canta que’s harà dissabte lo 8 d’octobre 2016 a la sala de las hèstas de Salas de Baura.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185