InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • L’InÒc Aquitània, en partenariat dab la Delegacion Academica a las Arts e a la Cultura (DAAC), qu’organiza a Bordèu un dia de formacion entaus ensenhaires, professionaus de la Cultura e artistas qui volhan hicar en plaça accions d’educacion artistica e culturau sus la cultura e lo patrimòni occitans.

  • PCILab, lo site web de l’Inventari francés deu Patrimòni culturau immateriau qu’estó presentat au public, a París, lo 3 d’octobre a onze òras e mieja au ministèri de la Cultura.

    Creat per l’InÒc Aquitània, dab mestria d’obratge deu ministèri de la Cultura, PCILab que balha l’accès, tau gran public, a l’inventari francés deu PCI.

  • L’InÒc Aquitània qu’organizè, en collaboracion dab lo Laboratòri iiAC-LAHIC, lo 3au Seminari annau en etnomusicologia de la França. Augan, aqueth seminari que’s hasó a Carcassona on l’arcuelhó l’Etnopòle GARAE, e qu’èra consacrat au movement de collècta deu patrimòni musicau e coregrafic qui s’estenó de la fin de las annadas 1960 a las annadas 1980 (e lhèu 1990).

  • Augan, desiratz la « Bona Annada » diferentament, mercés a l’InÒc Aquitània qui’vs prepausa de har la bona annada a l’entorn de vos dab un visuau qui pòrta un messatge simple e calorós en occitan.

  • Tà l’annada 2018, la campanha de vòts « Bona annada » que prepausa ua apròchi grafic navèth, qu’entinoam ua reflexion sus l’identitat visuau e l’identitat regionau.

  • Los Talhèrs deu Patrimòni Culturau Immateriau que son organizats a miei genèr a l’Etnopòle GARAE a Carcassonna. La tòca qu’ei de prepausar ua expertisa etnologica suu patrimòni immateriau, dens l’encastre de la formacion universitària deu medish nom metuda en plaça per las universitats Montpelhièr – Paul Valéry e Tolosa – Joan Jaurés.

  • Dimèrcs 17 de genèr 2018 a l’Universitat Paris-Nanterre, Mélanie Larché qu’intervienerà au près deus estudiants deu master Sciéncias umanas e sociaus, Mencion Informacion, comunicacion, entà’us parlar deus utís consacrats a l’Inventari francés deu Patrimòni culturau immateriau.

  • Augan, la Region Navèra Aquitània qu’a tornat editar un calendari trilingüe entà hicar endavant las soas tres lengas regionaus principaus : occitan, basco e peitavin-sentongés. La partida en occitan qu’estó aprestada per l’InÒc Aquitània.

  • Loulou Mandère, membre fondator puish president deu Hestau de Siròs, membre fondator de l’InÒc Aquitània, autor e cançonaire, que vien de’ns quitar.

  • De diluns 12 a divés 16 de heurèr 2018 l'InÒc Aquitània, lo laboratòri ITEM de l'UPPA e la Direccion generau deus patrimònis deu Ministèri de la Cultura, en partenariat dab la CCI Pau-Bearn, que prepausan dias de formacion au Patrimòni Culturau Immateriau.

  • Despuish 2003, l'InÒc Aquitània tot an qu'avia la campanha de socializacion « Bona Annada » qui permet de har paréisher la lenga occitana dab un messatge calorós, lo de la bona annada. Aquera campanha que s'adreça a un ample public, que parle la lenga o non, que sia d'ací o d'aulhors.

  • Escrivans qu'ei ua navèra seria, produsida per l'InÒc Aquitània en partenariat dab ÒcTele, e consacrada a la riquessa de la literatura occitana contemporanèa, abordada per l'espiar deus autors.

  • L’associacion Carnaval Pantalonada qu’a produsit, dab lo sostien de l’InÒc Aquitània, ua vidèo qui presenta çò qu’ei lo Carnaval Biarnés a travèrs los sons personatges principaus.

  • Los escolans deu licèu Borda, a Dacs, qu’an realizat, dab l’ajuda d’Òctele e de l’InÒc Aquitània, ua vidèo en occitan qui examina lo PCI, qu’ei a diser lo Patrimòni Culturau Immateriau, de faiçon umoristica e lo defineish.

  • Escrivans qu’ei ua seria de pertrèits consacrada a la riquessa de la literatura occitana contemporanèa. Lo prumèr numèro qu’ei consacrat a Sèrgi Javaloyès, prètz Pau Froment 2001 peu son roman La Set.

  • Lo Licèu Jacques Monod, a Lescar (64), qu’organiza ua Setmana Occitana deu 10 au 16 de març 2018. Lo hiu conductor que serà l’installacion de la mustra « Ua Lenga, l’Occitan ».

  • "SET DE LENGA" qu'ei ua proposicion hèita per Le Bel Ordinaire, lo Centre d'art contemporanèu de la C.D.A Pau Pirenèus, en partenariat dab la direccion deus ahars culturaus de la C.D.A., lo CAP'Òc e l'InÒc Aquitània. Deu 12 dinc au 19 d'abriu 2012 qui avó tavalhetas

    ...
  • L'InÒc Aquitània e lo laboratòri ITEM de l'Universitat de Pau e deus país de l'Ador que coorganizan, a Pau, deu 15 au 17 de mai, un collòqui internacionau intitulat « Lo Patrimòni Culturau Immateriau : de l'inventari a la governança ».

  • Lo dijaus 19 de deceme a Artigalotan, Pèire Salas qu'animarà ua reünion publica entà presentar los tribalhs de restitucion de las enquistas microtoponimicas miadas per l'InÒc d'Aquitània.

  • « Vita e memòria de l’Ador / Vie et mémoire de l'Adour » qu’ei ua operacion de colècta filmada sus la vita e la memòria deu fluvi Ador, miada au près de nombrós testimònis occitanofònes deu Baish Ador, comandada peu Conselh generau deus Pirenèus Atlantics a l’InÒc Aquitània – Etnopòle, e hèita per Yvan Bareyre e Caroline Dufau.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185