InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • Organizat peu CIRIEF, l’InÒc Aquitània, e lo LAHIC, IIAC (EHESS-CNRS), lo collòqui internacionau « Collectar, conservar, espleitar las musicas de tradicion orau en França e en Euròpa meridionau : "l’atge patrimoniau" » que’s harà deu 9 au 11 de genèr 2019, au MUCEM a Marselha.

  • Dens l’encastre deu cicle de conferéncias prepausadas per Partage et Culture en Aspe, Joan Breç Brana, cap deu pòle Lenga e Societat au Congrès permanent de la lenga occitana, qu’animarà ua conferéncia suu tèma « Politica lingüistica e socializacion de l’occitan » dissabte 26 de genèr a Acós (64).

  • Despuish 2003, l'InÒc Aquitània tot an qu'avia la campanha de socializacion « Bona Annada » qui permet de har paréisher la lenga occitana dab un messatge calorós, lo de la bona annada. Aquera campanha que s'adreça a un ample public, que parle la lenga o non, que sia d'ací o d'aulhors.

  • La serada deus Vòts 2019 de l’InÒc Aquitània que’s debanè dimars 22 de genèr au Castèth d’Este de Vilhèra. Ad aquera escadença, lo prèmi « Cap e tot » 2019 qu’estó liurat a Jacques Baudoin e Jaqueish Roth. Qu’estó tanben l’escadença d’evocar las realizacions de l’annada 2018, atau com los projèctes a viéner entà l’annada 2019.

  • La mustra de las òbras deus estudiants de l’Escòla superiora d’art deus Pirenèus qui participèn a la realizacion deu visuau de l’aficha Bona Annada 2019, d’ara enlà qu’ei disponibla en linha, e que’s pòt enqüèra véder a la Mediatèca d’Este, a Vilhèra, dinc a la fin deu mes de heurèr.

  • Per arrestat prefectorau, M. Étienne Guyot, prefècte de la region Occitània, que vien d’actar la creacion de l’establiment public de cooperacion culturau deu « Centre international de recherche et documentation occitanes - Institut Occitan de Cultura », qui prenerà d’ací quauques setmanas la seguida de l’InÒc Aquitània e deu CIRDÒC a l’entorn de missions alargadas e d’ambicions navèras entau desvolopament de la cultura occitana.

  • Lo laboratòri ITEM (EA 3002) de l’Universitat de Pau e deus País de l’Ador e l’Etnopòle Occitan – InÒc Aquitània qu’organizan ua setmana de formacion suu Patrimòni Culturau Immateriau en territòri de montanha, deu 18 au 22 de heurèr 2019 a Vièla (Vath d’Aussau), en collaboracion dab lo Departament deu Pilotatge de la Recèrca e de la Politica Scientifica deu Ministèri de la Cultura e lo Parc Nacionau deus Pirenèus.
    L’inscripcion obligatòria qu’ei ubèrta dinc au dimèrcs 13 de

    ...
  • Maria-Anna Châteaureynaud (ESPE d’Aquitània, Universitat de Bordèu) e Katy Bernard (Universitat Bordèu Montanha) qu’organizan la jornada d'estudis « Ensenhar, promòver e difusar l'occitan » qui's harà a Bordèu (33) dimèrcs 13 de març.

  • Lo Conservatòri Pau Bearn Pirenèus qu’organiza lo hestau Bal en Vila, dab un sarròt d’accions de previstas a Pau, Vilhèra e Juranson (64) los 22 e 23 de març : conferéncia-performància, passacarrèra musicau, espectacle, estagi, grans bals… Ça-vietz tots !

  • Los Archius Departamentaus de la Dordonha qu’organizan ua jornada d’encontres consacrada a la collècta, la conservacion e la valorizacion deu patrimòni culturau immateriau occitan de la Dordonha, dens l’encastre de la mustra Jean Roller e en partenariat dab l’Etnopòle occitan CIRDÒC-Institut Occitan de Cultura, l’associacion Novelum e lo Conselh Departamentau de la Dordonha.

  • La tresau edicion de las jornadas de formacion au Patrimòni Culturau Immateriau coorganizada per l’Etnopòle InÒc Aquitània e lo laboratòri ITEM de l’UPPA, en partenariat dab lo Departament deu pilotatge de la recèrca e de la politica scientifica deu Ministèri de la Cultura, que’s hasó deu 18 au 22 de heurèr a Vièla en Vath d’Aussau.
    Un trentenat d’estudiants e professionaus que participèn ad aquera edicion dont la tematica centrau èra lo patrimòni culturau immateriau en territòri de

    ...
  • Dens l’encastre deu projècte de La Ciutat, tèrç lòc culturau bearnés qui’s situarà au Hedars a Pau (64) a comptar de 2021, l'associacion de prefiguracion que recruta un(ua) director(a) de projècte.

  • Comanditadas per l'Ofici Public de la Lenga Occitana, las Jornadas Occitanas que son accions de sensibilizacion a l'occitan au près deus escolans de la region Navèra Aquitània.
    Dens aqueth encastre, ua Jornada occitana de ligason collègis-licèus Sud Navèra Aquitània qu’ei organizada dijaus 11 d’abriu, dens l’encastre deu hestau Lo Primtemps de l’Arribèra.

  • Divés 22 de març, dens l’encastre deu hestau Bal en Vila organizat peu Conservatòri Pau Bearn Pirenèus, ua conferéncia-performància a la Mediatèca d’Este a Vilhèra que’s debanè sus la tematica « La cançon tradicionau bearnesa e los compositors romantics : Franz Liszt, Charles Gounod, Frédéric Rivarès, Gaston Mirat... ».
    Qu’èra animada per Jan Jaques Casteret, etnomusicològue e director de l’Etnopòle InÒc Aquitània, e los estudiants e ensenhaires de las classas de musica tradicionau e

    ...
  • Comanditadas per l'Ofici Public de la Lenga Occitana, dab lo sostien deu Departament deus Pirenèus Atlantics, las Jornadas Occitanas que son accions de sensibilizacion a l'occitan au près deus escolans de la region Navèra Aquitània.
    Dens aqueth encastre, ua Jornada occitana de ligason collègis-licèus Sud Navèra Aquitània qu’estó organizada dijaus 11 d’abriu, dens l’encastre deu hestau Lo Primtemps de l’Arribèra.

  • Comanditadas per l'Ofici public de la lenga occitana, las Jornadas Occitanas que son accions de sensibilizacion a l'occitan au près deus liceans de la Region Navèra Aquitània.

    Dens aqueth encastre, animacions pedagogicas que son organizadas per l’EPCC CIRDOC-Institut occitan de cultura, la professora d’occitan e la professora documentalista au licèu Arnaut Danièl de Rabairac (24), los 13 e 14 de mai 2019.

  • Comanditadas per l'Ofici Public de la Lenga Occitana, las Jornadas Occitanas que son accions de sensibilizacion a l'occitan au près deus liceans de la region Navèra Aquitània.
    Dens aqueth encastre, l’EPCC CIRDÒC-Institut occitan de cultura qu’organizè animacions pedagogicas dab la professora d’occitan e la professora documentalista au licèu Arnaut Danièl de Rabairac, los 13 e 14 de mai.

  • Per la tresau annada escolara consecutiva, la Delegacion Academica a las Arts e a la Cultura (DAAC) de l’Academia de Bordèu en partenariat dab l’Etnopòle CIRDÒC-Institut occitan de cultura que renovèlan lo lor partenariat d’Educacion Artistica et Culturau a l’entorn deus patrimònis occitans.
    Las inscripcions que son ubèrtas dinc au 17 de junh.

  • Que voletz utilizar DaquíDòc, la platafòrma numerica deu CIRDOC-Institut occitan de cultura dedicada aus projèctes d’Educacion Artistica e Culturau, e ne sabetz pas quin vs’i gahar ?
    La DAAC e lo CIRDOC-Institut occitan de cultura que vienen de har paréisher duas vidèos tutoriaus, dedicadas a l’inscripcion a un projècte EAC e a l’utilizacion de la platafòrma.

  • Deu 22 au 25 d'agost, lo còr d'Occitania que pataquejarà deu costat de Pau au parat deu hestau interregionau Hestiv'Òc. Augan un còp mei, lo CIRDÒC-Institut Occitan de Cultura que serà present tot deu long de l'eveniment entà'vs perpausar accions de mediacion e rendetz-vos culturaus, invitacions a descobrir las diferentas facetas d'ua cultura e d'ua literatura occitanas vivas.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185