InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • Robert Matta e l’associacion La Confrérie des souffleurs que publican dus CD sus las carlamusas occitana : Boha e Craba.

  • Boha qu’amassa melodias e cançons inspiradas deu repertòri tradicionau e composicions recentas. Que i trobaratz, enter autes, tèxtes deu praube Alain Floutard.

  • L’Associacion Art’Òc qu’a presentat a Hestiv’Òc lo cortmetratge Shens papèrs, escriut e realizat per Philippe Espinasse, corealizat per Eva Cassagnet, filmat per Amic Bedel dab la musica deu CAMOM.

  • L’IEO 31 qu’organiza lo hestau Occitània deu 9 de seteme dinc au 4 de noveme a Tolosa e dens lo son parçan (Hauta Garona, Tarn e Arièja).

  • La Hèsta deus Aulhèrs d’Aràmits que’s harà deu 15 au 18 de seteme 2016. Que mescla encontres professionaus e culturaus au torn deu mestièr d’aulhèr e deu cant.

  • Hem-nse trobaders a Monenh dissabte lo 17 e dimenge lo 18 de seteme 2016 tà descobrir La Cançon de Maria Bartete per la Pastorala de Monenh.

  • Dimenge lo 25 de seteme, la Companhia Crestian Josuèr qu’organiza un estagi e un bal a Gèuna, dens las Lanas.

  • Lo Med’Òc de Pau que torna organizar lo son hestau Planvengut. La dusau edicion que’s harà dijaus lo 22 e divés lo 23 de seteme 2016.

  • Com l’an passat, l’ACPA qu’organiza estagis de boha en Òut e Garona dab Adrien Villeneuve. Lo prumèr que’s debanarà dimenge lo 25 de seteme a Agen.

  • Ça-vietz hestejar la vintau edicion deu hestau Musicabourdons deu divés 23 au dimenge 25 de seteme 2016 a Canejan (33).

  • Augan, lo hestau de Siròs que feneish 50 ans. Miei sègle de hestaus au torn de la lenga e la cultura bearnesa. Hètz-vse trobaders de divés lo 23 a dimenge lo 25 de seteme a l’escadença d’aquera edicion especiau.

  • La Setmana qu’organiza, dab l’ajuda de la FIMÒC, ua serada de sostien tau jornau. Lo jornau qu’a besonh la vòsta ajuda tà existir !

  • La cincau edicion deu hestau Mascaret que’s harà deu 27 de seteme au 5 de noveme 2016 dens vilas de la metropòli bordalesa. Ad aquera escadença , descobritz l’exposicion Ua Lenga l’Occitan de l’InÒc Aquitània.

  • Ça-vietz hestejar lo tornar de las estivas divés lo 30 de seteme e dissabte lo prumèr d’octobre a Auloron.

  • Maxence Camelin que hè paréisher lo son CD Quand la craba crabidarà.

  • Augan, lo Maraton de la canta que’s harà dissabte lo 8 d’octobre 2016 a la sala de las hèstas de Salas de Baura.

  • Compausat de 11 títols navèths, « Au hons de la Biette » qu'ei lo quatau album deu grop bearnés Los de Broussez.

  • « L’Encras de via » qu'ei lo quatau àlbum deu grop, compausat de dètz musicians, Lous caps Negues.

  • Tad aqueth album, Gérard Zuchetto que metó en musica dètz poèmas de l'òbra màger Òda a Montsegur de René Nelli.

  • Lo tresau e darrèr volume de Vira Vira Electronet que contien 180 paginas illustradas, 45 cançons sus un CD qui dura 55 minutas, e tanben ua òra de vidèo pedagogica sus DVD, qui presenta un quinzenat de rituaus lengadocians tostemps vius.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185