InOc

L'InÒc Aquitània, operator regionau entà la lenga e la cultura occitanas, que respon a la volontat de la Region Navèra Aquitània, de la DRAC Navèra Aquitània, deus Departaments aquitans e de las intercomunalitats qui a per mira de sostiéner e de desvolopar la practica de la lenga e de la cultura occitanas (en las soas tres fòrmas aquitanas : gascona, lemosina, lengadociana). Qu'amassa los sons partenaris publics, lo monde associatiu regionau e los actors scientifics e culturaus màgers a l'entorn de la soa equipa professionau.

Tà'n Saber Mei

Mots claus

Recherche

  • Lo CFPÒC Aquitània e l'InÒc Aquitània que'vs presentan « Las hèitas de Kévin », ua seguida de tres videos dab un episòdi a descobrir tota setmana. Uei, Kévin que hè bastir.

  • Dab la tòca d'organizar un seminari suus utís Wikimedia e las lengas de França, Wikimedia France que hè ua enquèsta tà conéisher miélher la situacion lingüistica capvath lo territòri francés. 

  • Lo CIRDÒC qu'avia un Repertòri deu Patrimòni Culturau Occitan, tà amassar petit a petit las informacions sus las òbras, los fons documentaris, los lòcs, las personalitats e las expressions immateriaus qui hèn la riquessa deu patrimòni culturau occitan. 

  • Lo CIRDÒC qu'avia un Repertòri deu Patrimòni Culturau Occitan, tà amassar petit a petit las informacions sus las òbras, los fons documentaris, los lòcs, las personalitats e las expressions immateriaus qui hèn la riquessa deu patrimòni culturau occitan.

  • Lo setmanèr occitan La Setmana que hè un aperet a s'abonar per poder contunhar a publicar los sons jornaus papèr e numeric. 

  • Las edicions Majuscrit, editor de libes numerics a gratis taus mainatges, que publica un segond libe en occitan : Picon l'eiriç de Lise Gros e Claire Gilles.

  • Sondaquí, lo site deu Patrimòni culturau immateriau occitan en Region Aquitània, que s'enriqueish d'ua navèra rubrica : l'artisanat.

  • Tà har mei aisida la lectura peus mainatges deus sons albums tà la joenessa, Letras d'Òc qu'a començat d'enregistrar fichèrs sons tad aqueths libes.

  • Deu 22 de heurèr enlà, un quinzenat de contributors de Wikipèdia que prepausaràn un MOOC (cors en linha a gratis e obèrt a tots) tà descobrir Wikipèdia e apréner a i contribuir. 

  • Per Noste que hica a disposicion de tots quinze contes deus Contes deus monts e de las arribèras, de Jacme Boisgontièr e Robèrt Darrigrand, a la seccion deus documents àudio suu son site Internet. 

  • L'Universitat Bordèu Montaigne que prepausa ua navèra edicion deu MOOC « Las cançons deus trobadors au sègle d'Alienor d'Aquitània », deu 14 de març au 9 de mai 2016. 

  • D’ara enlà, los Actes deu collòqui sus las tecnologias tà las lengas regionaus de França de 2015 que son disponibles.

  • Un navèth eròi en occitan entaus mainatges qu'ei arribat sus Òctele! Pepin Trespomas, petit chivalièr qui cor, valent, lo vaste monde, que's hè trobader a setmana passada. 

  • D'ara enlà, dab la version en catalan de Google Maps, que podetz véder los toponimes occitans en la lor lenga d’origina. 

  • En partenariat dab l’Estat e lo CNV, la Region Aquitània Lemosin Peitau-Charentas que hè ua crida a projèctes tà las musicas actuaus, en vistas de sostiéner e d’encoratjar l’innovacion, las navèras formas de collaboracion e la cooperacion enter los actors de las musicas actuaus.

  • Sapiéncia occitana qu’ei la prumèra revista numerica de sciéncia e istòria en occitan. Despuish quauques mes, que’vs prepausa informacions en linha sus la tecnologia, la geografia, la lingüistica, la paleontologia…

  • Despuish lo 23 de junh l’enterpresa SwiftKey deu grop Microsoft que prepausa un clavèr predictiu en occitan taus telefònes Android.

  • Dens l’encastre de l’eveniment « capitala europèa de la cultura 2016 », Sent Sebastian (País basco) qu’arcuelherà deu 4 au 10 de julhet lo Codefest.

  • Lo laboratòri CLLE-ERSS de l’Universitat Tolosa Joan Jaurés que vien de méter en linha BaTelÒc, ua basa textuau en lenga occitana qui amassa òbras escriutas deu sègle XIX dinc a uei.

  • Lo Congrès qu’ei de cap a convertir las soas dadas au format TEI (Text Encoding Initiative). Sus ua petita vidèo, qu’explica perqué ac hè e quau son las possibilitats de creacion d’utís qui aqueth formatatge hè possiblas.

Tel : 05 59 13 06 40
inoc[at]in-oc.org

InÒc Aquitània
Castèth d'Este
Avienguda de la Pléiade
64140 Vilhèra

Coordonadas GPS :
43.304901, -0.393185