Peu purmèr còp en Bearn, aquesta setmana, totas las escòlas primàrias e segondàrias Calandreta deu Bearn qu'obreishen las lors pòrtas au public e que'vs permeterà de cossirar e véder quin se passa en classa on s'i practica l'immersion lingüistic en occitan (bearnés) e tanben ua pedagogia dita "activa".

Calandreta que çò qu'ei  ?
Qu'ei ua escòla a gratis, laïca e reconeishuda per L'Educacion Nacionau (lei de 1959).
Ça-vietz nombrós visitar las escòlas calandreta deu Bearn ! Que n'i a dilhèu ua au ras de vòste : Artics, Beost, Lescar, Lo Lis, Masèras, Auloron, Ortès, Pau, Porciuvas Bocoa.
Descobritz lo programa de l'escòla la mei pròcha de vòste.

Jornada d'estudi au Musèu nacionau deu Castèth de Pau
Dimèrcs 9 de mai 2012 de nau òras e mieja deu matin a cinc òras deu vrèspre.

-Dens la vita de Fèbus, eretèr deus princis trobadors occitans e cap davantèr deus princis de la Renaishença e puish deu Rei Sorelh, las art qu'occupan ua plaça centrau autant per gost personau com per estrategia politica.
Atau, la cort d'Ortès que rivaliza dab las de Berry, de Borgonha, d'Aragon o d'Avinhon. Dens l'euròpa d'aquera fin de sègle XIVau, manuscrits, objèctes d'art mes tanben menestrèrs, compositors,... que circulan shens cès ni pausa d'ua cort a l'auta.

Jornada deu libe occitan a St Orenç

Dimenge 29 d’abriu, Sant Orenç (31), Castèth Catala
S’avètz enveja d'escotar o de parlar occitan, de batalar dab los autors e los editors (Fédérop, Vent terral, IEO-Ideco, Letras d'òc, CapÒc, Jorn, Lo Clusel, Novelum, I.E.O. Lengadòc, I.E.O. Arièja, Lo Leberaubre, Presses Universitaires de la Méditerranée, etc.), de descobrir los libes navèths e las parucions recentas, de crompar libes occitans, vielhs o naus, d'enténer  batalís en occitan, ça-vietz a la Jornada deu libe occitan de Sant Orenç, au ras de Tolosa.

Hem-nse donc trobaders lo dissabte 28 d’abriu a la mediatèca. Aquera manifestacion que’s harà mercés a un partenariat enter la mediatèca d’Anglet e l’InÒc Aquitània.

Las taulas de l’aglomeracion paulina, deu 12 au 19 d’abriu, que s’ondraràn de 12 arreproèrs bearnés.

De mei, deu 12 dinc au 27 d’abriu, que seràn exposadas totas las illustracions, dens lo peristile de la maison comuna de Pau.

Dens l’encastre d’un programa de la C.C.A.S. (Caishau Centrau d’Activitats Sociaus deu Personau de las Industrias Electricas e Gasèras) « Diversitat lingüistica e culturau de França », au quau e s’ei associat l’InÒc Aquitània, l’estiu qui vien la cultura e la lenga occitana que seràn suu pitèr dens diferents centres de vacanças C.C.A.S.

Dens l’encastre de la « Prima deus poètas », lo dissabte 28 d’abriu la mediatèca d’Anglet qu’aunorarà los poètas gascons. Didièr Tousis (votz) e Lionèl Gomez (guitarras, charango) que v’invitan a har un viatge en musica per la poesia gascona capvath lo temps e l’espaci.

Hem-nse donc trobaders lo dissabte 28 d’abriu a la mediatèca. Aquera manifestacion que’s harà mercés a un partenariat enter la mediatèca d’Anglet e l’InÒc Aquitània.

L’InÒc Aquitània qu’aprèsta la tresau edicion deus encontres literaris « Deus 2 penents ». Augan, que i aurà cambiaments per çò qui ei de la programacion puishque la manifestacion e’s harà en dus patacs : l’un en agost, dens l’encastre de Hestiv’Òc 2012, e l’aute los 27 e 28 d’octobre 2012. Escrivans d’expression catalana, castelhana, francesa, occitana, basca e aragonesa que devisaràn sus un tèma qui serà anonciat d’ací tà quauques dias.

La mustra Gaston Fèbus (1331-1391) Princi Sorelh – Armas, amors e cassa – qu’ei a l’òra d’ara au Musèu nacionau deu castèth de Pau, e que s’i estarà dinc au 17 de junh. Qu’an encargat l’InÒc Aquitània d’arrevirar los panèus de presentacion (véder un panèu) d’aquera mustra bilingua francés-occitan. Qu’i pòden véder manuscrits illustrats e enluminats com lo famós Livre de la chasse , teishuts preciós, objèctes d’art e d’orfebreria, esculturas, documents d’archius qui evòcan aquera figura màger de l’istòria deu sègle XIV^au. Dab la Guèrra de Cent Ans qui èra lo contèxte politic d’aqueras òras e dens l’esperit trobadorenc qui senhorejava per alavetz sus la cort de Foish-Bearn, la mustra que desvela las diferentas facetas d’aqueth illustre capdau bearnés.

Uns 30 000 defensors de la lenga d’òc qu’èran sus la carrèra a Tolosa entà un vertadèr estatut juridic entà las lengas de França. De Kemper a Baiona e d’Estrasborg a Aiacciu en passant per Tolosa, los defensors de las lengas regionaus que manifestèn lo 31 de març passat capvath l’Exagòne tot. Dab ua participacion excepcionau a Tolosa, on los occitanistas e tamponèn tota la nueit a la plaça deu Capitòli.