L'InÒc qu'a apielat un fons de mei de 4000 obratges (libes, disques, caishetas, CD, videos, cederòms mes tanben un quinzenat de revistas e de periodics), pertocant las òbras màgers de la civilizacion occitana, mei que mei en Gasconha e en Bearn, de l'Edat mejancèra dinc a uei lo dia, en maines de tots : literatura, lingüistica, istòria, musica, etnologia, sociologia, etc.

La mediatèca de l'InÒc que perpausa tanben libes sus d'autas lengas e culturas ditas regionaus o minoritàrias de França e d'Euròpa (bretona, creòla, còrsa, galhega, etc.), e particularament sus las de part e d'auta deus Pirenèus (aragonesa, basca e catalana).