Comanditadas per l'Ofici Public de la Lenga Occitana, las Jornadas Occitanas que son accions de sensibilizacion a l'occitan au près deus liceans de la region Navèra Aquitània.
Dens aqueth encastre, l’EPCC CIRDÒC-Institut occitan de cultura qu’organizè animacions pedagogicas dab la professora d’occitan e la professora documentalista au licèu Arnaut Danièl de Rabairac, los 13 e 14 de mai.

Comanditadas per l'Ofici Public de la Lenga Occitana, dab lo sostien deu Departament deus Pirenèus Atlantics, las Jornadas Occitanas que son accions de sensibilizacion a l'occitan au près deus escolans de la region Navèra Aquitània.
Dens aqueth encastre, ua Jornada occitana de ligason collègis-licèus Sud Navèra Aquitània qu’estó organizada dijaus 11 d’abriu, dens l’encastre deu hestau Lo Primtemps de l’Arribèra.

Divés 22 de març, dens l’encastre deu hestau Bal en Vila organizat peu Conservatòri Pau Bearn Pirenèus, ua conferéncia-performància a la Mediatèca d’Este a Vilhèra que’s debanè sus la tematica « La cançon tradicionau bearnesa e los compositors romantics : Franz Liszt, Charles Gounod, Frédéric Rivarès, Gaston Mirat... ».
Qu’èra animada per Jan Jaques Casteret, etnomusicològue e director de l’Etnopòle InÒc Aquitània, e los estudiants e ensenhaires de las classas de musica tradicionau e d’escritura deu Conservatòri Pau Bearn Pirenèus.

La tresau edicion de las jornadas de formacion au Patrimòni Culturau Immateriau coorganizada per l’Etnopòle InÒc Aquitània e lo laboratòri ITEM de l’UPPA, en partenariat dab lo Departament deu pilotatge de la recèrca e de la politica scientifica deu Ministèri de la Cultura, que’s hasó deu 18 au 22 de heurèr a Vièla en Vath d’Aussau.
Un trentenat d’estudiants e professionaus que participèn ad aquera edicion dont la tematica centrau èra lo patrimòni culturau immateriau en territòri de montanha e qui per l’escadença establí un partenariat dab lo Parc Nacionau deus Pirenèus.

La serada deus Vòts 2019 de l’InÒc Aquitània que’s debanè dimars 22 de genèr au Castèth d’Este de Vilhèra. Ad aquera escadença, lo prèmi « Cap e tot » 2019 qu’estó liurat a Jacques Baudoin e Jaqueish Roth. Qu’estó tanben l’escadença d’evocar las realizacions de l’annada 2018, atau com los projèctes a viéner entà l’annada 2019.

Despuish 2003, l'InÒc Aquitània tot an qu'avia la campanha de socializacion « Bona Annada » qui permet de har paréisher la lenga occitana dab un messatge calorós, lo de la bona annada. Aquera campanha que s'adreça a un ample public, que parle la lenga o non, que sia d'ací o d'aulhors.

Comanditadas per l'Ofici Public de la Lenga Occitana, las Jornadas Occitanas que son accions de sensibilizacion a l'occitan au près deus liceans de la region Navèra Aquitània.
Dens aqueth encastre, l’InÒc qu’organizè animacions pedagogicas dab la professora d’occitan au licèu Jean Renou de La Rèula, divés 19 d’octobre.

Comanditadas per l'Ofici Public de la Lenga Occitana, las Jornadas Occitanas que son accions de sensibilizacion a l'occitan au près deus eslhèves de la region Navèra Aquitània.
Dens aqueth encastre, ua Jornada occitana de ligason collègi-licèu Peirigòrd-Lemosin qu’estó organizada peu Conselh Departamentau de Dordonha, l’Agéncia culturau Dordonha-Peirigòrd e l’InÒc Aquitània, lo divés 5 d’octobre.

Augan, com tot an, lo Prosei de la ceremonia d'aviada qu'estó dit en occitan-gascon. La personalitat invitada qu'èra Yvan Bareyre, l’un deus actors màgers de la lenga-cultura occitana en Gasconha.

Fruts d’un tribalh aviat en 2012, los abitants de La Vathmala qu’an inaugurat lo 26 de mai passat l’ensemble deus panèus bilingües qui son estats installats dens la lor comuna.

Qui a matat Francés Canat ? qu’ei un enquèsta interactiva multimèdia adaptada en occitan a partir d’un concèpte originau de l’Atelier In8 (« Qui a refroidi Lemaure ? »), coprodusida per l’Atelier In8 e lo CIRDÒC. L'organizacion e la coordinacion de las arreviradas e deu doblatge qu’estó realizada per l’InÒc Aquitània. 

Comanditadas per l'Ofici Public de la Lenga Occitana, las Jornadas Occitanas que son accions de sensibilizacion a l'occitan au près deus liceans de la region Navèra Aquitània.

Dens aqueth encastre, animacions pedagogicas qu’estón organizadas per l’InÒc e la professora d’occitan au licèu Borda de Dacs, deu 30 d’abriu au 4 de mai.