Lo castèth de Montaner, en Bearn, que desvolòpa la diffusion de l'occitan dens los sons utís de comunicacion a destinacion deus diferents publics.

L'occitan que serà present en prumèras a l'escriut : lo castèth qu'a metut en plaça supòrts de visita autonòma en dus liberets bilingüas, l'un entau gran public e l'aute dedicat aus joens, dont las arreviradas en occitan estón hèitas peu pòle Lenga e Societat de l'InÒc Aquitània. Que s'i preved tanben ua arrevirada de la senhalatica e deus panèus de visita.

Lo liberet de visita libra qu'ei d'ara enlà disponible tot dia au castèth a demanda, mes que i podetz accedir ací tanben : Ressorsas entà la visita libra

D'auta part, la lenga occitana que serà valorizada a l'escadença de las visitas guidadas: ua prumèra visita en occitan, miada per Philippe Barrère, que's harà lo dimenge 22 d'octobre 2017 dens l'encastre de la Hèsta de l'Autona*. Autau medish a comptar d'augan que s'i prepausarà visitas guidadas bilinguas aus publics escolars d'augan ençà, e que s'i desvoloparà ua comunicacion especifica au près de las escòlas bilinguas, calandretas, collègis dab opcion occitan.

Entà mei d'informations, que podetz consultar lo site deu castèth : https://www.chateau-montaner.com/

* A 14 h, sus reservacion au castèth au 05 59 81 98 29