L’InÒc Aquitània qu’organizè, en collaboracion dab lo Laboratòri iiAC-LAHIC, lo 3au Seminari annau en etnomusicologia de la França. Augan, aqueth seminari que’s hasó a Carcassona on l’arcuelhó l’Etnopòle GARAE, e qu’èra consacrat au movement de collècta deu patrimòni musicau e coregrafic qui s’estenó de la fin de las annadas 1960 a las annadas 1980 (e lhèu 1990).

L’eveniment qu’èra ubèrt aus professionaus e estudiants de las musicas e danças tradicionaus. Qu’arcuelhó las intervencions de Guy Bertrand, Bénédicte Bonnemason, Laurent Cavalié, Luc Charles-Dominique, Henri Francès, Sophie Jacques de Dixmude, Pierre Laurence, Bernat Ménétrier, Alain Servant e Xavier Vidal.

Lo dimèrcs ser, ua taula redona en omenatge a Daniel Fabre entitolada « Daniel Fabre et les musiques traditionnelles », ubèrta au public, que’s hasó. L’ensemble deu seminari qu’estó filmat.

Aqueth eveniment qu’estó miat tà tèrmi en partenariat dab l’Etnopòle GARAE, lo COMDT Tolosa-Occitània e lo CIRIEF, dab lo sostien de la Direccion generau deus Patrimònis, lo DPRPS deu Ministèri de la Cultura e la DRAC Occitania, Pirenèus Mediterranèa.

Fòtos © Jacob Redman / KOVisuel