Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'OPLO (Ofici Public de la Lenga Occitana) e organizadas per l'InÒc Aquitània.

Lo Licèu Jacques Monod, a Lescar (64), qu’organizè ua Setmana Occitana deu 10 au 16 de març 2018 dab com hiu conductor l’installacion de la mustra « Ua Lenga, l’Occitan », produsida per l’InÒc Aquitània, presentada tota la setmana a l'entrada principau deu licèu.

Espiatz lo programa, produsit per Marion Lavergne, professora d'occitan deu licèu :

Eveniments que’s hasón tot lo long de la setmana : visita guidada de la mustra peu CFPÒC, talhèr cantas polifonicas dab l’Esquireta, conferéncia-testimòni per Joan Nadau Commères, concèrt Trad’ e conte dab lo collectiu Ça-i, mes tanben un disnar occitan en musica. Lo dissabte matin precedent, que’s hasón las pòrtas ubèrtas atau com un taulèr d’informacion sus l’opcion occitan, destinat aus collegians de tresau qui visitavan lo licèu.

Lo dijaus vrèspe, tots los eslhèves qu'an podut dançar a l'escadença deu concèrt prepausat peu collectiu Ça-i e animat peu duo Rousse-Tisnèr :

Ací devath, las aficas deu repaish occitan deu divés, produsidas per l'InÒc Aquitània :

Los escolans de l’opcion occitan qu’an hicat de pès un article entau site Internet deu licèu, qui conta quin an viscut l’eveniment : Tà'n saber mei

Los eslhèves deu collègi Simin Palay, qui an participat a la jornada deu divés, qu'an tanben produsit un diaporama tà contar l'eveniment, qui serà suu site deu collègi : Tà'n saber mei

Se’vs voletz rensenhar tà çò de l’opcion occitan, que podetz contactar a la professora marion.lavergne1[at]ac-bordeaux.fr.
Pre-inscripcion entà la rentrada 2018/19 a la vita escolara deu licèu.

Espiatz quauquas fòtos de la Setmana Occitana :