Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'ÒPLO (Ofici Public de la Lenga Occitana) e realizadas per l'InÒc Aquitània (qui acompanha lo professor d'occitan entad aquò har‎). 

Dens aqueth encastre, sèt licèus de la region qu’arcuelhen augan animacions e activitats de sensibilizacion a l’occitan. 
A l’entorn d’ua mustra installada pendent ua setmana, conferéncias de professionaus deu sector, animacions musicaus e teatraus, activitats esportivas, disnars tematics, projeccions cinematograficas…que son organizadas. 
Atau que s’ageish autanplan de revelar l’occitan com lenga de comunicacion e de cultura de uei, com de har juntà's los eslhèves e las produccions culturaus occitanas deu lor territòri. 

La prumèra accion que's hasó deu 10 au 16 de març 2018 au Licèu Jacques Monod de Lescar (Pirenèus Atlantics). Tà’n saber mei

La dusau que's debanè au licèu Borda de Dacs (Lanas), deu 30 d'abriu au 4 de mai 2018. Tà'n saber mei

En parallèle, a Sent Pèr de Lèren (Pirenèus Atlantics), que’s hasó lo 5 d'abriu passat la prumèra de las tres jornadas occitanas de ligason collègis-licèus 2018 dens l’encastre deu hestau « Lo Primtemps de l’Arribèra » e qui amassè un centenat d’eslhèves de las Lanas e deus Pirenèus Atlantics. Tà'n saber mei