Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'ÒPLO (Ofici Public de la Lenga Occitana) e organizadas per l'InÒc Aquitània.

Maude Puech, professora d’occitan au Licèu Borda a Dacs (40), qu’organizè animacions pedagogicas deu 30 d’abriu au 4 de mai 2018 dab, tà hiu conductor, l’installacion de la mustra de l'ÒPLO sus l’occitan, presentada tota la setmana dens lo licèu.

Ací devath, los visuaus de l’eveniment e deu disnar occitan deu divés, produsits per l'InÒc Aquitània :

Divèrs eveniments que’s hasón tot deu long de la setmana : visita guidada de la mustra peu CFPÒC, concèrt deu duo Rousse-Tisnèr, talhèr musicau dab Matiu Dufau, disnars e sopars gastronomics, iniciacion a las chancas dab los Chancaires de Sent Pèr de Lèren, conferéncia sus l’emplec dab Clamenç Flouroux (Òc-Bi Aquitània) e Manex Meyzenc (Agorila).

En fin de matiada, tots los eslhèves qu'an podut dançar a l'escadença deu concèrt prepausat peu collectiu Ça-i e animat peu duo Rousse-Tisnèr :

Espiatz quauques fòtos de las Jornadas :