Periguers

Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'ÒPLO (Ofici Public de la Lenga Occitana) e realizadas per l'InÒc Aquitània, qui acompanha las estructuras entad aquò har‎.

Dens aqueth encastre, lo Conselh Departamentau de Dordonha e l’Agéncia culturau Dordonha-Peirigòrd qu’organizèn peu dusau còp ua Jornada occitana de ligason collègi-licèu Peirigòrd-Lemosin a Perigüers.

Aquera manifescation qu’avèva per tòca de balhar enveja aus collegians de perseguir l’aprentissatge de l’occitan au Licèu. Que cercava tanben a har descobrir la cultura occitana per ua apròchi contemporanèa (espectacle e encontres artisticas). Aquera jornada qu’amassè mei de 240 collegians e liceans deus departaments de la Dordonha, de la Corrèsa e de la Nauta Vinhana.

Qu'estó prepausat pendent aquera jornada ua seguida de talhèrs (mèdias, cants, practica collectiva de la dança, conte, sensibilizacion au doblatge…) a la Ciutat escolària Bertran de Born, atau com un concèrt deu duo Alidé Sans e Paulin Courtial a l’Espaci culturau François Mitterrand.

Dab intervencions de : Conta'm, Pixel Oc, ÒCtele, Novelum, Lo Congrès permanent de la lenga occitana, lo CAP'ÒC, l'Agéncia Culturau...

Ací devath, lo programa de l’eveniment, produsit per l'InÒc Aquitània e l’Atelier In8 :

 Periguers1Periguers2

En fin de dia, los eslhèves qu'an podut dançar a l'escadença deu bal improvisat per Christophe Célérier e Adrien Fossaert.

Espiatz quauques fòtos de l'eveniment :

Logos