Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'ÒPLO (Ofici Public de la Lenga Occitana) e organizadas per l'InÒc Aquitània.

Natalia Ganuchaud, professora d’occitan au Licèu Jean Renou a La Rèula (33), qu’organizè animacions pedagogicas divés 19 d’octobre 2018 dab, tà hiu conductor, l’installacion de la mustra de l'ÒPLO sus l’occitan, presentada tot lo dia dens la Mediatèca Intercomunau de La Rèula.

Ací devath, los visuaus de l’eveniment, produsits per l'InÒc Aquitània e l’Atelier In8 :

Tot deu long de la jornada que s’i hasón divèrs eveniments : visita guidada de la mustra dab Dàvid Escarpit (CFPÒC), concèrt deu duo Çai t’Ací, disnar gastronomic, conferéncia sus l’emplec e la formacion dab Maria-Aliç Nicaise (InÒc Aquitània) e Maria Lavit (ÒcTele), espectacle de contes dab Isabèu Lobèra (La Compagnie du Parler Noir).

En fin de dia, tots los escolans que podón dançar e apréner a dançar a l'escadença deu concèrt prepausat peu duo Çai t’Ací.

Espiatz quauques fòtos de la Jornada :