Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'ÒPLO (Ofici Public de la Lenga Occitana) en partenariat dab lo Departament deus Pirenèus Atlantics, e realizadas per l'InÒc Aquitània, qui acompanha las estructuras dab aquera tòca‎.

Atau, la tresau Jornada occitana de ligason collègis-licèus 2018-2019 qu’estó organizada dijaus 11 d’abriu, dens l’encastre deus Dias deus mainatges deu hestau « Lo Primtemps de l’Arribèra » prepausat per l’associacion Los Chancaires.

La tòca d’aquera manifestacion qu’èra de balhar enveja aus collegians de perseguir l’aprentissatge de l’occitan au Licèu, e de valorizar l’occitan com lenga de comunicacion enter los escolans.

Aquera jornada qu’amassè mei de 200 collegians e liceans deus departaments de las Lanas e deus Pirenèus Atlantics.
Que s’i prepausè ua seguida de talhèrs (mèdias, cants, practica collectiva de la dança, musica, numeric…) a Sent Pèr de Lèren, e l’espectacle Super Eròi, creacion de la companhia El Perro Azul.

Suu lòc duas mustras qu’èran presentadas : la mustra « L’Occitan, qu’es aquò ? », e la mustra « Ua lenga, l’Occitan ».

Ací devath, lo programa de l’eveniment, produsit per l’EPCC Cirdoc-Institut occitan de Cultura e l’Atelier In8 :

Espiatz quauques fòtos de l’eveniment :

 

PA