Las Jornadas Occitanas que son accions de sensibilizacion a l'occitan au près deus liceans de la Region Navèra Aquitània, comanditadas per l'ÒPLO (Ofici public de la lenga occitana) e organizadas per l’EPCC CIRDÒC-Institut occitan de cultura.

Sandrina Salas, professora d’occitan au Licèu Arnaut Danièl a Rabairac (24), e Annie Subrenat, professora documentalista, qu’organizèn animacions pedagogicas diluns 13 e dimars 14 de mai 2019 dab, tà hiu conductor, l’installacion de la mustra de l'ÒPLO sus l’occitan, « L’Occitan, qu’es aquò ? », presentada tota la jornada dens lo CDI deu licèu.

Ací devath, los visuaus de l’eveniment, produsits peu CIRDÒC-Institut occitan de cultura e l’Atelier In8 :

Tot deu long de la jornada deu dimars que s’i hasó divèrs eveniments : visitas guidadas de la mustra dab Olivier Pijasson (IÈO24-Novelum), concèrt-bal sauvatge deu grop MoizBat’, conferéncias sus l’emplec occitan dab Maria Lavit (ÒcTele) e Laurent Labadie (Companhia Lilo).
Lo menut de la setmana au refectòri qu’estó arrevirat en lemosin entà perméter ua visibilitat hòrta de l'occitan tot lo long de la setmana.

La jornada sancèra qu’estó filmada per ÒcTele.

Entà perlongar l’eveniment, l’establiment qu’avè previst ua iniciacion dança lo diluns dab lo duo Lo Clapat ; Etienne Roux qu'avè tanben organizat ua serada d’omenatge a Joan Ros lo dimars ser, ubèrta a tots los publics. Que s’i hasó cantas e contes dab Francis Gervaise e Joan Ganhaire, Los Zinzonaires (reformats ad aquera escadença) e Peiraguda.

Espiatz quauques fòtos de l’eveniment :