Au son taulèr, l'InÒc Aquitània qu'arcuelhó Sèrgi Javaloyès tà la signatura deu son darrèr libe, Au nom de la lenga, a las edicions Reclams. Los visitors que posquèn tanben descobrir lo darrèr obratge d'André Dupuy, Michel Camélat, entretiens et confidences e Nadau ! Nadau !, recuelh de cants de Nadau bearnés e gascons publicat en 1914 per Jean Baptiste Laborde, tornat editar per las Edicions Marrimpouey e la Societat de las Sciéncias Letras e Arts de Pau e deu Bearn.

Ua taula redona suu tèma deu libe joenessa en occitan qu'amassè ensenhaires, editors e parents d'escolans tà un escambi animat per Coleta Lapléchère, au quau participèn lo Cap'Òc, Calandreta e Per Noste.