Que tornèn har l’operacion « Las claus de la hèsta », dejà miada en 2015, e l’InÒc qu’ajudè tanben a har sets de taula dab elements lingüistics.

Dab lo CFPÒC Aquitània, l’InÒc Aquitània que tornè editar Las Claus de la hèsta, un lexicòt occitan dab lo vocabulari de la hèsta e qu’ei dab aqueth utís que lo CFPÒC e prepausè animacions conviviaus tà presentar rudiments de lenga, iniciar a la cultura… autorn d’un veire e d’ua assieta ! Lo liberet qu’èra tanben disponible tà tots a l’arcuelh deu hestau.

Léger Las Claus de la hèsta

Los sets de taula, taus quaus l’InÒc Aquitània avó un ròtle de traduccion-conselh, que balhan lo sens de mantuas expressions qui’s tròban en Bearn e qui pòden enténer au parat de discutidas en francés (tanben). Los sets qu’èran sus las taulas de tots los restaurators deu hestau.

Véder lo modèle deu set de taula