Concebuda per Maurici Maurici Romieu e Jordi Fernandez-Cuadrench, lo raconte que ns'amuisha, en 22 panèus, çò de màger de l'istòria de la lenga, dab sheis grans èishs tematics : La presentacion de la lenga occitana ; La civilizacion deus trobadors (sègles XI e XII) ; La crotzada contra los catars e las soas tornas (sègles XIII - XV) ; La resisténcia occitana (sègles XVI e XVIII) ; La reviscolada occitana (sègles XIX e XX) ; La lenga occitana uei lo dia e duas videos : « La Crotzada » e « L'occitan uei lo dia ».
Atau, la mustra qu’a dejà permetut d’enriquir lo programa de hèras de setmanas occitanas (Ortès, en Bearn, Salas e Blancahòrt en Gironda, Aire o lo Parc regionau de las Lanas de Gasconha dens las Lanas, Montrejau en Garona-Nauta…), de manifestacions festivas taus las de Fürth en Alemanha o tanben a Vielha en Val d’Aran (Catalonha, Estat espagnòu), a Bordèu quan se remetó lo prèmi Jaufre Rudel, o enqüèra au parat deu Salon deu libe de Pau…
Teledescargar lo dossièr de presentacion / Véder l'exposicion

Non balancetz que’ns podetz juntar tà avalorar amassas las modalitats de locacion d’aqueth apèr culturau.