Fòcus suu projècte PciLab, lo site de l'inventari francés deu Patrimòni culturau immateriau, dens l'obratge Patrimoine culturel immatériel et numérique (edicions l’Harmattan).

Oc-a-ton, organisat per l’InÒc Aquitània en collaboracion dab Lo Congrès Permanent de la Lenga occitana e Wikimèdia França, qu’ei lo prumèr edit-a-ton en lenga de França.

De 2003 enlà, l’InÒc Aquitània que participa au debanar oficiau de las Hèstas de Baiona en acompanhar la Comission de las Hèstas, gavidada per Henri Lauqué. L'InÒc Aquitània qu’assegura oficiaument la preséncia gascona pendent las hèstas dab cantas, danças e proseis.

L’InÒc Aquitània qu'a creat en 2004 ua mustra bilingua e caminaira titolada « Ua lenga, l'occitan » sus l’istòria de la lenga occitana e de las soas honts dinc a uei lo dia.

L’InÒc Aquitània, dens l’encastre de la soa mission de traduccion-conselh, qu’a realizat la revirada en occitan deu document de presentacion deu futur EPCI deu País basco.

Augan tanben, l’InÒc Aquitània que collaborè dab Accents du Sud entau rendetz-ve hestiu d’ara enlà tradicionau hestau de la fin de l’estiu paulin, Hestiv’Òc.

En 2016, com tot an, l'InÒc Aquitània qu’a hèit la soa campanha « Bona annada » dab afichas e cartas de vòts entà desirar la bona annada en occitan. Augan, que son estadas 34 000 cartas difusadas en Aquitània.

Divès lo 22 de genèr, a la mediatèca André Labarrère a Pau, Katy Bernard que presentè la vita d'Alienòr d'Aquitània de la soa darrèra òbra Les Mots d'Aliénor enlà, davant un auditorium plan pleat. 

Lo 17 de noveme, a Onessa e Laharí, un quinzenat de mediatecaris de las Lanas que participèn a un dia de formacion a la literatura occitana gascona organizada per l'InÒc Aquitània, a la demanda deu Departament de las Lanas, en l'encastre de la Bibliotèca departamentau de las Lanas.

Los 20, 21 e 22 de noveme, l'InÒc Aquitània qu'èra present aus Encontres literaris de Pau, qui an recebut augan mei de 25 000 visitors.

Lo purmèr Seminari annau en etnomusicologia de França que's hasó los 11 e 12 de noveme au Castèth d'Este, a Vilhèra - Comunautat d'Aglomeracion Pau-Pirenèus.

L'InÒc Aquitània que harguè un dossièr argumentari, de cap tà las comunas e intercomunalitats, tà l'emplec de l'ortografia nomenada « classica », qui a per nom « Lenga, ortografia, toponimia ».