Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Lo tresau numèro qu’ei consacrat a Marcel Abbadie (Com la gèira a las pèiras de la nueit, Pèir l'ors, Legendas pirenencas). Que i lei lo son celèbre poèma Amor d’Aussau.

Produsida per l'InÒc Aquitània en partenariat dab ÒcTele, que's presenta en forma d’ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias. Cadua d'aquestas entervistas que s'acompanha de la lectura, per l’escrivan eth medish, d'un tròç de l'ua de las soas òbras.

La prumèra sason qu'ei dedicada aus autors de Navèra Aquitània, e cada mes que i aurà un navèth pertrèit de difusat.

Véder lo pertrèit consacrat a Marcel Abbadie : http://www.octele.com/video-oc/escrivans/Escrivans03AbbadieV2.html