Títol : Deu bohonet qui volè saber qui l’avè hèit suu cap
Autor : Werner Holzwarth, Wolf Erlbruch
Editor : Per Noste
Genre : joenessa
Lenga : occitan gascon
Data d'edicion : març 2018
Tà'n saber mei

Las edicions Per Noste que hèn paréisher un navèth album joenessa titolat Deu bohonet qui volè saber qui l'avè hèit suu cap, arrevirada occitana de l’obratge de Wolf Erlbruch e Werner Holzwarth De la petite taupe qui voulait savoir qui lui avait fait sur la tête.

« En sortir de casa, lo bohonet que s’amassa suu cap un estrontàs shens saber d’on vien. Plof ! Tà trobar lo cagador, que hè anar l'enquèsta en questionar las bèstias qu'encontra. Plaf ! ce hè lo pastissòt deu colom… Clopdiclop, las cagalhas deu chivau… Ratatatà, las havòlas redonas deu conilh… Dinc e tròbi a Joan Enric, lo can deu carnissèr ! E plic ! Lo bohonet que’s venja en lo deishar càder la cuenta suu cap ! Escatologica com ne’s pòt pas mei, mes hèra amusanta, l'istòria qu’encanta e diverteish los petits (a comptar de dus ans). » – Per Noste