Escrivans qu'ei ua seria consacrada a la riquessa de la literatura occitana contemporanèa, abordada a travèrs l'espiar deus autors. Lo ueitau numèro qu’ei consacrat a Joan Ganhaire (Lo Viatge aquitan, Lo darrier daus Lobaterras, Las islas jos lo sang, Un tan doç fogier, …). Que i lei un tròç deu son roman Lo Viatge aquitan, prèmi Jaufre Rudèl 2001.

Produsida per l'InÒc Aquitània en partenariat dab ÒcTele, que's presenta dab la forma d’ua seria de corts pertrèits filmats dens los quaus los autors e contan la lor trajectòria, lo lor anar artistic, lo lor rapòrt a l'escritura e las lors influéncias literàrias o non-literàrias. Cada entervista que s'acompanha de la lectura, per l’escrivan eth medish, d'un tròç de l'ua de las soas òbras.

La prumèra sason qu'ei dedicada aus autors de Navèra Aquitània, e cada mes un navèth pertrèit que serà difusat.

Véder lo pertrèit consacrat a Joan Ganhaire : http://www.octele.com/video-oc/escrivans/Escrivans08J.GanhaireV2.html