Títol : Tròbas I
Autor : Henri Espieux
Editor : Jorn
Genre : poèmas
Lenga : occitan, francés
Data d'edicion : 2018
Tà'n saber mei

« Enric Espieux, nascut en 1923 a Tolon, es un dels grands noms de la jove poesia occitana de l’après-guèrra. Fòrça implicat dins l’escritura coma dins la bastison de l’occitanisme, visquèt a París puèi a Nimes ont moriguèt en decembre de 1971. Uèi, son òbra es mal coneguda, en defòra de qualques poèmas d’antologia. Las edicions JORN an donc volgut editar o reeditar son òbra poetica, en dos volums, jos lo títol de TRÒBAS qu’aviá fach sieu, en omenatge als trobadors. Lo primièr volum recampa los poèmas de 1947 a 1960, lo second los de 1960 a 1971.
L’edicion critica amb nòtas e traduccion francesa foguèt preparada per Clara Torreilles, partent dels manuscrits servats per lo Cirdoc. La causida foguèt de publicar l’òbra tota, dins l’òrdre cronologic de l’escritura : recuèlhs compausats e editats o en espèra d’edicions que se faguèron pas, fuèlhs esparpalhats, poèmas longs d’inspiracion epica o poèmas de l’azard e del banal.
Espieux, mai que degun, visquèt la poesia coma un regiscle de vida, lo buf del vent o la ressaca de la mar, e quitèt pas de ne dire la necessitat de cada jorn :
Un jorn sens son ulhauç es un jorn degalhat,
Un jorn sens aura e sens chavana,
Un jorn sens son poèma. » - Jorn