Títol : L'espace occitan dans l'Histoire, ses visages divers de la Protohistoire à nos jours
Autor : Georges LABOUYSSE
Editor : IEO edicions
Data d'edicion : 2016
Genre : essai
Lenga : francés 
ISBN : 9782955064115
Tà'n saber mei

"Las regions occitanas que conegón dens la nosta Istòria estructuras territoriaus qui corresponèn a l'implantacion de poblacions d'originas divèrsas e dont tornam trobar las traças dens los principaus dialèctes de l'occitan e dens la toponimia.

Los nau capítols deu present obratge que relatan de faiçon cronologica l'evolucion de l'espaci occitan hens un encastre europèu. Lo partiprés de l'autor n'ei pas de's trigar a contar los detalhs d'ua temporada, mes d'examinar 3000 ans d'istòria en hicant en davant las constantas mes tanben las rupturas, los basculaments, los reviraments de situacion.

L'autor que causeish de ns'emmiar suus camins negligits per l'istòria oficiau de la França: qui coneish las Províncias Unitas deu Mieidia au XVIau sègle? E la comuna de Marselha? Que i poderé aver hèra d'exemples.

Aqueth libe que's lei com un roman, illustrat per un sarròt de mapas e fòtos, e que ns'amuisha, sègle per sègle, ua permanéncia occitana, qui resisteish a opressions de tota traca!"

Georges Labouysse qu'ei vadut a Vilamur de Tarn en 1940. Ensenhaire atalentat d'Istòria e hèra estacat a las soas arraditz, desempuish 1969 qu'a participat a recèrcas e cavaments arqueologics. Collaborador regular de la premsa culturala occitan, qu'ei l'autor d'un sarròt de magazines de vulgarisacion qui evòcan las migracions, los escambis e la vita deus pòbles deu Paleolitic dinc au Temps Modèrnes.